31 ناۋرىزدا قر پرەزيدەنتٸنٸڭ جانىنداعى ەيەلدەر ٸستەرٸ جەنە وتباسىلىق-دەموگرافييالىق ساياسات جٶنٸندەگٸ ۇلتتىق كوميسسييانىڭ وتىرىسى ٶتتٸ, دەپ حابارلايدى قازاقپارات.
وتىرىستا قازاقستان رەسپۋبليكاسىنداعى وتباسىلىق جەنە گەندەرلٸك ساياسات تۇجىرىمداماسىن 2021 جىلى ٸسكە اسىرۋ جەنە نىسانالى ينديكاتورلارعا قول جەتكٸزۋ نەتيجەلەرٸ تىڭدالدى. سونىمەن قاتار كٷن تەرتٸبٸنە ٶمٸرلٸك قيىن جاعدايعا تاپ بولعان وتباسىلارعا كٶمەك كٶرسەتۋ بويىنشا ۆەدومستۆوارالىق ٶزارا ٸس-قيمىل; ەيەلدەر كەسٸپكەرلٸگٸن قولداۋ ورتالىقتارىنىڭ قىزمەتٸ; قر سٸم-نٸڭ قازاقستاننىڭ گەندەرلٸك كٷن تەرتٸبٸن حالىقارالىق الاڭداردا ٸلگەرٸلەتۋ جەنە گەندەرلٸك تەڭدٸكتٸ قامتاماسىز ەتۋ سالاسىندا ەلدٸڭ حالىقارالىق مٸندەتتەمەلەرٸنٸڭ ورىندالۋىنا باقىلاۋ جاساۋ مەسەلەلەرٸ ەنگٸزٸلدٸ.
وتىرىستى اشاردا ۇلتتىق كوميسسييانىڭ تٶرايىمى, پارلامەنت مەجٸلٸسٸنٸڭ دەپۋتاتى لاززات رامازانوۆا مەملەكەت باسشىسىنىڭ تاپسىرمالارىن ورىنداۋ اياسىندا ورتالىق جەنە جەرگٸلٸكتٸ اتقارۋشى ورگاندارمەن بٸرلەسكەن جۇمىس اۋقىمىن اتاپ ٶتتٸ. ۇلتتىق كوميسسييا باسشىسى, بۇل جۇمىستا ٶتكٸر ەلەۋمەتتٸك پروبلەمالاردى جەدەل شەشۋگە باستى نازار اۋدارىلاتىنىن اتاپ ٶتتٸ. ۇلتتىق كوميسسييا ەلەۋمەتتٸك بەلسەندٸ اۋديتورييا مەن ساراپشىلار ٷشٸن ديالوگ الاڭىن ۇسىنادى, وندا ەڭ كٶپ قوعامدىق رەزونانس العان جەنە نەعۇرلىم ەگجەي-تەگجەيلٸ تالقىلاۋدى تالاپ ەتەتٸن تاقىرىپتار تالقىلانادى.
سونىمەن بٸرگە ەيەلدەرگە قاتىستى زورلىق-زومبىلىق ٷشٸن جازانى قاتاڭداتۋ قاجەتتٸگٸ مەسەلەلەرٸ بويىنشا باس پروكۋراتۋرامەن, ٷكٸمەتپەن جەنە جەرگٸلٸكتٸ اتقارۋشى ورگاندارمەن ٶزارا ٸس-قيمىل كٷشەيتٸلەتٸن بولادى.
اتالعان مەسەلەلەردٸ تىڭداۋ بارىسىندا جەرگٸلٸكتٸ اتقارۋشى ورگانداردىڭ مەملەكەتتٸك ەلەۋمەتتٸك تاپسىرىس شەڭبەرٸندە «وتباسىلىق-دەموگرافييالىق جەنە گەندەرلٸك مەسەلەلەردٸ شەشۋگە جەردەمدەسۋ» باعىتى بويىنشا جۇمىسى ۇسىنىلدى. سونىڭ ٸشٸندە 322,5 ملن.تەڭگە سوماسىنا 135 ەلەۋمەتتٸك جوبانىڭ ٸسكە اسىرىلعانى كٶرسەتٸلدٸ. بۇل باعىتتاعى جۇمىستار 5 ٶڭٸردە - تٷركٸستان, قوستاناي, اتىراۋ, باتىس قازاقستان, جامبىل وبلىستارىندا بەلسەندٸ جٷرگٸزٸلگەنٸ اتاپ ٶتٸلدٸ.
قورعانىس مينيسترلٸگٸنٸڭ باسقا مەملەكەتتٸك ورگاندارمەن بٸرلەسٸپ قۇرعان «جاس سارباز» بالالار-جاسٶسپٸرٸمدەر ەسكەري-پاتريوتتىق قوزعالىسىنىڭ وڭ رٶلٸ اتاپ ٶتٸلدٸ. اتالعان بٸرلەستٸك شەڭبەرٸندە جاستاردى ەسكەري-پاتريوتتىق تەربيەمەن, ونىڭ ٸشٸندە ەسكەري-سپورتتىق ٸس-شارالار ٶتكٸزۋ جولىمەن قامتۋ 230 مىڭنان استام بالانى قۇرايدى.
جالپى, تەربيە جۇمىسى بويىنشا قابىلدانىپ جاتقان شارالاردىڭ نەتيجەسٸندە 2021 جىلى كەمەلەتكە تولماعاندارعا قاتىستى قىلمىستار سانىن 20%-عا تٶمەندەتۋگە قول جەتكٸزٸلدٸ, بۇل تۇجىرىمدامانىڭ ماڭىزدى نىسانالى ينديكاتورلارىنىڭ بٸرٸ بولىپ تابىلادى.
حالىقارالىق ىنتىماقتاستىقتى كەڭەيتۋ شەڭبەرٸندە سىرتقى ٸستەر مينيسترلٸگٸنٸڭ گەندەرلٸك كٷن تەرتٸبٸندە بٷگٸنگٸ قازاقستان ٷشٸن ٶزەكتٸ ەيەلدەردٸڭ ەكونوميكالىق قۇقىقتارى مەن مٷمكٸندٸكتەرٸن كەڭەيتۋ, ەيەلدەرگە قاتىستى زورلىق-زومبىلىقتى جويۋ, ۇلتتىق جوسپارلاۋ جەنە بيۋدجەتتەۋ مەسەلەلەرٸ بويىنشا كٷش-جٸگەردٸ قولدايتىنى اتاپ ٶتٸلدٸ.
وتىرىس سوڭىندا لاززات رامازانوۆا كٷن تەرتٸبٸن قورىتىندىلاي كەلە, وتباسىنداعى قولايسىزدىقتىڭ نەگٸزگٸ سەبەپتەرٸ بولىپ جۇمىسسىزدىق, تۇرعىن ٷيدٸڭ بولماۋى, وتباسىنداعى زورلىق-زومبىلىق, سوزىلمالى جەنە ناركولوگييالىق اۋرۋلار, باسقا دا ماتەريالدىق پروبلەمالار سيياقتى ەلەۋمەتتٸك فاكتورلار ەلٸ دە ورىن الىپ وتىرعانىن ايتتى. وسىعان بايلانىستى ۇلتتىق كوميسسييا تٶرايىمى جەرگٸلٸكتٸ اتقارۋشى ورگانداردىڭ قيىن جاعدايداعى وتباسىلاردى انىقتاۋ جەنە ەسەپكە الۋ, الدىن الۋ شارالارىن جٷرگٸزۋدە تىعىز ٶزارا بايلانىستا بولۋى جەنە باسقا مەسەلەلەر بويىنشا مەملەكەتتٸك ورگاندارعا بٸرقاتار ناقتى تاپسىرمالار بەردٸ.
