پارلامەنت سەناتىنىڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە قىلمىستىق جولمەن الىنعان كٸرٸستەردٸ زاڭداستىرۋعا (جىلىستاتۋعا) جەنە تەرروريزمدٸ قارجىلاندىرۋعا قارسى ٸس-قيمىل مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭى قابىلداندى, دەپ حابارلايدى قازاقپارات.
زاڭ جوباسىنا قر پارلامەنتٸنٸڭ دەپۋتاتتارى باستاماشىلىق جاسادى.
زاڭ جوباسى كٸرٸستەردٸ جىلىستاتۋعا جەنە تەرروريزمدٸ قارجىلاندىرۋعا قارسى ٸس-قيمىلدىڭ ۇلتتىق جٷيەسٸن جاقسارتۋ, سونداي-اق اقشانى جىلىستاتۋعا قارسى كٷرەستٸڭ قارجىلىق شارالارىن ەزٸرلەۋ توبىنىڭ (فاتف) حالىقارالىق ستاندارتتارىن ٸسكە اسىرۋ ماقساتىندا ەزٸرلەندٸ.
سەناتتىڭ قارجى جەنە بيۋدجەت كوميتەتٸنٸڭ قورىتىندىسىنا قاراعاندا, «جارييا لاۋازىمدى ادامدار» ۇعىمى ەنگٸزٸلەدٸ, ول ۇلتتىق جەنە شەتەلدٸك مەملەكەتتٸك لاۋازىمدى ادامدارعا بٶلٸنەدٸ. بۇل رەتتە اگەنتتٸك ۇلتتىق جارييا لاۋازىمدى ادامداردىڭ تٸزٸمٸن جٷرگٸزەتٸن بولادى, ولاردىڭ تٸزبەسٸن قازاقستان رەسپۋبليكاسىنىڭ پرەزيدەنتٸ بەكٸتەدٸ.
«تسيفرلىق اكتيۆتەر (قامتاماسىز ەتٸلگەن) سالاسىندا ٶز قىزمەتٸن جٷزەگە اسىراتىن تۇلعالاردى قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸنە باقىلاۋ-قاداعالاۋ فۋنكتسييالارىن ايقىنداي وتىرىپ, وسىنداي سۋبەكتٸلەر ٷشٸن تۋىندايتىن اقپاراتتاندىرۋ سالاسىنداعى ۋەكٸلەتتٸ ورگاندى ٶز قىزمەتٸنٸڭ باستالعانى تۋرالى حاباردار ەتۋ مٸندەتتەمەلەرٸن ەنگٸزە وتىرىپ, قارجى مونيتورينگٸ سۋبەكتٸلەرٸنٸڭ قاتارىنا جاتقىزۋ ۇسىنىلادى. ويىن بيزنەسٸ بويىنشا شەكتٸ مەندٸ 3 ملن تەڭگەدەن 1 ملن تەڭگەگە دەيٸن, سونداي-اق جىلجىمايتىن مٷلٸكپەن مەمٸلەلەر بويىنشا 200 ملن تەڭگەدەن 50 ملن تەڭگەگە دەيٸن تٶمەندەتۋ ۇسىنىلادى, بۇل كٸرٸستەردٸ زاڭداستىرۋ جەنە تەرروريزمدٸ قارجىلاندىرۋ سالاسىنداعى كٶلەڭكەلٸ ورتادا جاسالاتىن قىلمىستى انىقتاۋعا مٷمكٸندٸك بەرەدٸ», - دەلٸنگەن كوميتەت مەلٸمەتٸندە.
«جوبادا ەلٸمٸزدەگٸ لاۋازىمدى تۇلعالاردىڭ اقشامەن جەنە ٶزگە مٷلٸكپەن جاسايتىن وپەراتسييالارى بويىنشا تيٸستٸ باقىلاۋدى زاڭنامالىق دەڭگەيدە بەلگٸلەۋ كٶزدەلگەن. ال قارجى مونيتورينگٸ اگەنتتٸگٸ, ٶز كەزەگٸندە وسى ادامداردىڭ جەنە وتباسى مٷشەلەرٸنٸڭ, جاقىن تۋىستارىنىڭ جەكە تٸزٸمٸن جٷرگٸزەتٸن بولادى. سونداي-اق, جوبادا تسيفرلىق اكتيۆتەردٸ شىعارۋ, ولاردىڭ ساۋدا-ساتتىعىن ۇيىمداستىرۋ, وسى اكتيۆتەردٸ اقشاعا, نە بولماسا باسقا مٷلٸككە ايىرباستاۋ جٶنٸندەگٸ قىزمەتتەردٸ جٷرگٸزەتٸن تۇلعالاردى, قارجى مونيتورينگٸ سۋبەكتٸلەرٸنە جاتقىزۋ قاراستىرىلعان. مەكەمەنٸڭ زاڭدى يەسٸ تۋرالى مەلٸمەتتەردٸڭ اشىقتىعىن بەلگٸلەۋ ماقساتىندا ۋەكٸلەتتٸ ورگانعا ۇلتتىق تٸزٸلٸمٸنٸڭ دەرەكتەرٸنە قول جەتكٸزۋ ۇسىنىلعان», - دەدٸ سەناتور باقتىباي شەلپەكوۆ
وسى زاڭ جوباسىمەن, قازاقستان رەسپۋبليكاسىنىڭ تٶرت زاڭىنا تيٸستٸ ٶزگەرٸستەر مەن تولىقتىرۋلار ەنگٸزٸلەدٸ.
