تاياۋدا قازاقستاندا لاتىن قارپٸندە باسىلعان قازاق تٸلٸندەگٸ العاشقى كٶركەم ەدەبي كٸتاپتىڭ تانىستىرىلىمى ٶتەدٸ.
«TLK Media» كوممۋنيكاتسييالىق كومپانيياسى قالىڭ وقىرمان قاۋىم نازارىنا «Mahabbat qyzyq jas da'y'ren» ەڭگٸمەلەر جيناعىن ۇسىنادى. ونىڭ ەرقايسىسىندا ماحابباتتىڭ قايتالانباس تاريحى تۋرالى ايتىلادى. ٶمٸردە كەزدەسەتٸن قيىندىقتار مەن كەيٸپكەرلەردٸڭ باسىنان كەشكەن سٷيٸسپەنشٸلٸك سەزٸمدەرٸ تەمٸرجولمەن بايلانىستىرىلا باياندالاتىنىمەن ەرەكشەلەنەدٸ. تەمٸرجول كٶلٸگٸنٸڭ كٷردەلٸ تەحنيكالىق دٷنيەسٸ وقىرماندارعا جاڭا قىرىنان تانىلىپ, ونداعى تازا سەزٸمدەردٸڭ تۋىنداۋى مەن ادامنىڭ جەكە باسىندا بولاتىن دراما ٶرٸس الادى, ناعىز ەرلٸك جاسالادى. كەيبٸر ەڭگٸمەلەر جولاۋشىلار پويىزىنىڭ بورتتىق «ۆرەميا ۆ پۋتي» جۋرنالىندا جارييالانىپ, وقىرمان قاۋىمنان وڭ پٸكٸر العان بولاتىن.
كٸتاپتىڭ كٶركەمدٸك قۇندىلىعىمەن قاتار ەلەۋمەتتٸك-تانىمدىق ماڭىزىن اتاپ ٶتكەن جٶن. ەركٸمنٸڭ باسىنان كەشەتٸن ماحاببات سيياقتى نەزٸك سەزٸم ارقىلى ەر جاستاعى ادامدار مەن ەر تٷرلٸ ماماندىق يەسٸ لاتىن قارپٸمەن باسىلعان قازاق تٸلٸندەگٸ كٸتاپتى وقي وتىرىپ, ٶزٸنٸڭ جاڭا الفاۆيتتٸ يگەرۋٸن جەتٸلدٸرە الادى. بۇل تۋرالى ەلباسىمىز ن.نازارباەۆتىڭ «بولاشاققا باعدار: رۋحاني جاڭعىرۋ» ماقالاسىندا لاتىن ەلٸپبيٸنە بٸرتٸندەپ كٶشۋدٸڭ كەزەكتٸ قادامى بولىپ تابىلاتىنىناتاپ ٶتكەن بولاتىن.
كٸتاپ تانىستىرىلىمىنا بارلىق تٸلەك بٸلدٸرۋشٸلەردٸ شاقىرامىز.
.jpeg)