شىعىس قازاقستان وبلىسى التاي اۋدانى مەسليحاتىنىڭ حاتشىسى لاريسا گرەچۋشنيكوۆا ەيەلدەر مەن جاستارعا 30 پايىزدىق كۆوتانىڭ بەرٸلۋٸ دەپۋتاتتىق كورپۋستىڭ جاڭارۋىنا جول اشاتىندىعىن ايتتى, دەپ حابارلايدى قازاقپارات.
بۇل تۋرالى ول ٶسكەمەن قالاسىندا ٶتكەن «سايلاۋ-2021: ماڭىزى مەن ەرەكشەلٸكتەرٸ» اتتى ساراپشىلار كەڭەسٸنٸڭ وتىرىسىندا مەلٸمدەدٸ.
«پارلامەنت مەجٸلٸسٸ دەپۋتاتتارىنىڭ كەزەكتٸ سايلاۋى تاياپ قالدى. بارلىق ساياسي پارتييالارعا سايلاۋ الدىنداعى دايىندىق جۇمىستارىنا, سايلاۋ پلاتفورماسىن ەزٸرلەۋگە ۋاقىت بەرٸلگەن. بيىل حالىق قالاۋلىلارى تەك پارتييالىق تٸزٸمدەر بويىنشا سايلانىپ, ٶزٸن-ٶزٸ ۇسىناتىن كانديداتتار قاتىسا المايدى. بۇل قوعامداعى پارتييا رٶلٸنٸڭ بۇرىنعىعا قاراعاندا ارتقانىنىڭ بەلگٸسٸ. ەندٸ پارتييالار بەلسەندٸلٸكتٸ ارتتىرىپ, جاڭا باعدارلامالاردى, تىڭ باستامالاردى ۇسىنۋعا ۇمتىلۋى تيٸس», - دەدٸ لاريسا گرەچۋشنيكوۆا.
ونىڭ ايتۋىنشا, سايلاۋدا ەيەلدەر مەن جاستارعا 30 پايىزدىق كۆوتانىڭ بەرٸلۋٸ دەپۋتاتتىق كورپۋستىڭ جاڭارۋىنا جول اشادى.
«وسىنداي ٶزگەرٸس گەندەرلٸك ساياساتتىڭ تۇجىرىمداماسىنا سەيكەس كەلەدٸ. سونداي-اق جاستاردى ساياسي ارەناعا تارتۋدىڭ بٸردەن-بٸر قۇرالى بولماق. مەسەلەن, شىعىس قازاقستان وبلىسى التاي اۋداندىق مەسليحاتىنداعى دەپۋتاتتاردىڭ 50 پايىزى - ەيەلدەر. نەتيجەسٸندە قانداي دا بٸر تاقىرىپتى تالقىلاعاندا جان-جاقتى پٸكٸر الماسۋعا, كەز كەلگەن مەسەلەلەر تۋىنداعاندا پراگماتيكالىق شەشٸم قابىلداۋعا مٷمكٸندٸك تۋىپ وتىر. بٸز دەپۋتاتتىققا ٶتەتٸن جاس بۋىننان جاڭاشا كٶزقاراستار كٷتەمٸز», - دەدٸ التاي اۋدانى مەسليحاتىنىڭ حاتشىسى.
بٷگٸندە كوروناۆيرۋس پاندەميياسىنا بايلانىستى ەلٸمٸزدە كارانتيندٸك شەكتەۋلەر ەنگٸزٸلگەن. لاريسا گرەچۋشنيكوۆانىڭ ايتۋىنشا, بۇل سايلاۋعا قاتىستى شارالاردى ٶتكٸزۋدٸڭ تەسٸلدەرٸن ٶزگەرتەدٸ.
«سايلاۋ كەزٸندە حالىقتىڭ دەنساۋلىعى باستى نازاردا بولۋى تيٸس. سوندىقتان سانيتارلىق تالاپتار قاتاڭ ساقتالىپ, ەلەۋمەتتٸك قاشىقتىق پەن ماسكا رەجيمٸنٸڭ بۇزىلماۋىن باقىلاۋدى كٷشەيتۋ قاجەت», - دەدٸ ول.
