قر حالىق ەرتٸسٸ, قر مەملەكەتتٸك سىيلىعىنىڭ لاۋرەاتى لاكي كەسوگلۋ "وپەرا №2" ەنٸن ۆيتاس پەن ديماش قۇدايبەرگەنوۆتٸڭ ورىنداۋلارىن سالىستىردى, - دەپ حابارلايدى "ۇلت اقپارات" kaz.tengrinews.kz پورتالىنا سٸلتەمە جاساپ.
حالقى ەرتٸسٸ ديماشتىڭ داۋسى مۋزىكا تٸلٸندە قالاي اتالاتىنىن ايتتى. "ديماشتىڭ داۋسى سيرەك. ونىڭ داۋىس تٷرٸ تەنور التينو نەمەسە كونترتەنور دەپ اتالادى. ول كلاسسيكا جانرىندا دامي الادى. بٸراق ول مۇنى قالامايدى. ەلەمدە كونترتەنورلار ساۋساقپەن سانارلىق. ولار تانىمال ەمەس, بٸراق بار. بۇل ٶتە سيرەك كەزدەسەتٸن داۋىستار. ول ٶتە جاس, 22 جاستا وسىنداي زور جەتٸستٸككە جەتٸپ وتىر. ونى ۆيتاسپەن سالىستىرۋدىڭ قاجەتٸ جوق, مەن سٸزگە رەسمي مەلٸمدەمە جاساي الامىن - ۆيتاستىڭ مٷمكٸنشٸلٸگٸ ديماشتىڭ داۋسىنىڭ جانىندا تٷك تە ەمەس", - دەپ مەلٸمدەدٸ ول.
ايتۋىنشا, بۇل ديماشتىڭ تابيعي داۋسى. "ول جوعارى تەنور نوتالارىندا دا ايتا الادى, بٸراق ول ٶزٸنٸڭ قالىپتى داۋسىمەن دە ەن شىرقايدى, ونىسى جاعىمدى ەستٸلەدٸ. مەنٸڭ بٸلۋٸمشە, ول اقتٶبە مۋزىكالىق ۋچيليششەسٸن كلاسسيك رەتٸندە وقىپ شىقتى, ول جاقتا ەسترادانى وقىتپايدى. سوندىقتان, بٷگٸندە ديماش كٶش باسىنداعى ەنشٸمٸز. ونىڭ قاسىنا ەشكٸمدٸ دە قويۋعا بولمايدى. قالعان جۇلدىزسىماق ەنشٸلەر ونىڭ ماڭىنا دا جاقىنداي المايدى. ال ونىڭ ۆيتاسپەن سالىستىرۋ بٸلٸمسٸزدٸكتەن. ۆيتاستى تىڭداپ كٶرٸڭٸزدەر, ول ٶز داۋسىمەن ايتقاندا ارعى جاعىندا ەشتەڭەنٸڭ جوق ەكەنٸن بايقايسىز. ونىڭ داۋسى فالتسەت, دامىعان فالتسەت قانا, وسى مٷمكٸندٸگٸن قولدانىپ قانا جٷر. تاياۋدا ۆيتاستىڭ پروديۋسەرٸ ەندەرٸن ايتۋعا تىيىم سالدى دەپ ەستٸدٸم, بۇل دەگەنٸڭٸز ولار بەسەكەلەستٸكتەن قورقىپ وتىر دەگەن سٶز. ال مەنٸڭشە, بۇل كونكۋرستا ديماش جەڭٸمپاز اتانادى", - دەپ بولجادى ەرتٸس.
ونىڭ ايتۋىنشا, قىتايلىق بايقاۋدا دىبىس رەجيسسەرلەرٸ ەشقانداي دا سيقىر جاساپ وتىرعان جوق. "ديماشتىڭ دياپازونى تٶرت وكتاۆاعا كەڭ. ودان دا جوعارى بولماسا. كەسٸپ يەسٸ رەتٸندە ايتايىن, بٸزدە دارىندى, مۋزىكالىق دارىنى بار دەگەن تەرمين بار. ادام ەن سالعاندا ول جايلى "جانىمەن ايتتى", "جىلۋى سەزٸلەدٸ" دەپ جاتامىز. بۇل مۋزىكالدىق دەپ اتالادى. بۇل قاسيەت بارلىعىندا بار دەۋ قيىن. ياعني ادامنىڭ داۋىس مٷمكٸنشٸلٸكتەرٸ كٶپ بولۋى مٷمكٸن, بٸراق ونى تىڭداپ كٶرسەڭ, بوس بولىپ شىعادى. ال ديماشتا بارلىعى دا بار, 22 جاسىندا ساحناعا دايىندىقپەن شىعىپ جٷر. ياعني نە جايلى ەن ايتىپ جاتقانىن بٸلەتٸن ەنشٸ. بۇل ٶتە قۇندى", - دەدٸ ول.
كەسوگلۋ قۇدايبەرگەنوۆتٸ بۇرىننان بٸلەتٸنٸن, شىعارماشىلىعىن شولىپ جٷرگەنٸن دە ايتىپ وتىر.
"مەن ديماشتى بۇرىننان بٸلەمٸن, جارىلىس جاسايتىنىن كٷتٸپ جٷرمٸن. بٸرنەشە جىل بۇرىن استانادا تٷرلٸ كونتسەرتتەرگە قاتىستىم, سول كەزدە ول دا بولعان. سول ۋاقىتتا-اق وعان نازار اۋداردىم. كەيٸن كونتسەرتتەردٸڭ بٸرٸندە ەڭگٸمەلەستٸم. سۇحباتتارىمنىڭ بٸرٸندە ديماش قۇدايبەرگەنوۆ دەگەن جاس جٸگٸتتٸڭ بارىن, ونىڭ "سلاۆيان بازارىندا" ناعىز دٷمپۋ تۋعىزعانىن ايتقانمىن. بۇل دەگەن كەرەمەت جەتٸستٸك قوي. ەنشٸلەرٸمٸزدٸڭ بٸرەۋٸ دە "سلاۆيان بازارىندا" باس جٷلدە الماعان. ال بٸزدە بۇل جاعداي نازارسىز قالدى. مەنٸڭشە, ەدٸلەتسٸزدٸك", - دەيدٸ لاكي كەسوگلۋ.
"سوڭعى رەت 9-ىندا استاناداعى كونتسەرتتە ەن ايتتىم, ول دا بولدى. گريم بٶلمەسٸندە ەڭگٸمەلەسكەنٸمٸزدە ول قىتايعا بارا جاتقانىن ايتتى. بٸراق سول كەزدە قانداي كونكۋرس ەكەنٸن بٸلمەدٸم, ەندٸ مٸنە, ەستٸپ جاتىرمىن, Youtube حوستينگٸنەن كٶردٸم, دەل وسىنداي جاعداي بولۋى كەرەك ەدٸ دەپ ويلاعان ەدٸم. ول ٶتە دارىندى. تابيعاتىنان, قۇدايدىڭ بەرگەن دارىنى, ۆوكالى ەرەكشە, مۇنداي داۋىس سيرەك كەزدەسەدٸ. ەڭ باستىسى ول ماقساتىنا بەرٸك, ەنمەن ٶمٸر سٷرەدٸ, ماماندىعىن سٷيەدٸ", - دەپ قورىتتى سٶزٸن لاكي كەسوگلۋ.
ايتا كەتەيٸك, ديماش قۇدايبەرگەنوۆ 28 قاڭتاردا قىتايدا ٶتٸپ جاتقان I Am a Singer مۋزىكالىق كونكۋرسىنىڭ ەكٸنشٸ كەزەڭٸندە دە جەڭٸمپاز اتانعان بولاتىن. ەنشٸ رەسەيلٸك اتاقتى ۆيتاستىڭ "وپەرا 2" اتتى تۋىندىسىن ورىنداعان ەدٸ.
