قىزىن ٶلتٸرگەنٸ ٷشٸن سوتتالعان ۇلىبريتانييالىق ۇشقىش باراكات موحامەد الماتى وبلىسىنداعى ەڭ جوعارى قاۋٸپسٸزدٸك مەكەمەسٸندە جازاسىن ٶتەپ جاتىر. بۇل تۋرالى تٸلشٸ ساۋالىنا ٸٸم قىلمىستىق-اتقارۋ جٷيەسٸ كوميتەتٸ بەرگەن جاۋاپتا كٶرسەتٸلگەن, - دەپ حابارلايدى Tengrinews.kz.
باراكات موحامەد 19 مامىردا الماتى وبلىسى بويىنشا قاجد لا-155/12 مەكەمەسٸنە جەتكٸزٸلگەن. ول مەديتسينالىق تەكسەرۋدەن ٶتتٸ, ال كەلەسٸ كٷنٸ, 20 مامىردا تٸزەسٸنٸڭ بۋىنى اۋىراتىنىن ايتىپ, شاعىمدانعان. قاجك مەلٸمەتٸ بويىنشا, ناۋقاستى بٸردەن دەرٸگەر قاراپ, ەم تاعايىنداعان جەنە حيرۋرگپەن كەڭەسۋدٸ ۇسىنعان.
"قازٸرگٸ ۋاقىتتا تۇتقىن مەكەمەنٸڭ وقشاۋلاۋ بٶلٸمشەسٸندە (كارانتيندە بولۋ ۇزاقتىعى 15 كٷن). ونىڭ كوممۋنالدىق-تۇرمىستىق جاعدايى تالاپتارعا سەيكەس كەلەدٸ", - دەدٸ قازاقستان ٸٸم قاجك ٶكٸلٸ.
تۇتقىننان ۇستاۋ جاعدايىنا قاتىستى شاعىمدار تٷسكەن جوق. قاجك مەلٸمەتٸ بويىنشا, باراكات موحامەد جاعدايىنا بايلانىستى شاعىمدانا الادى, ۇسىنىستار مەن مەلٸمدەمە جاساپ, سونداي-اق انا تٸلٸندە حات جازا الادى. بۇل تۋرالى قىلمىستىق-اتقارۋ كودەكسٸنٸڭ 10-بابى 1-بٶلٸگٸنٸڭ 6-تارماعىندا ايتىلعان. سونداي-اق, زاڭدا كٶزدەلگەن جاعدايلاردا اۋدارماشى قىزمەتٸن پايدالانۋعا مٷمكٸندٸگٸ بار.
ايتا كەتەيٸك, 2019 جىلدىڭ قازانىندا الماتىداعى InterContinental قوناقٷيٸندە بالا ٶلٸمٸ تۋرالى حابارلانعان ەدٸ. بالانى ٶلتٸردٸ دەگەن كٷدٸكپەن ۇلىبريتانييانىڭ 41 جاستاعى ازاماتى موحامەد باراكات ۇستالعان بولاتىن. كەيٸن ول كٸنەلٸ دەپ تانىلىپ, 20 جىلعا باس بوستاندىعىنان ايىرىلعان ەدٸ.
ايىپتاۋ اكتٸسٸنە سەيكەس, بالانى ٶلتٸرۋگە ەرلٸ-زايىپتى اراسىنداعى جانجال, ٸشٸمدٸك ٸشٸپ, ەسٸرتكٸ قابىلداۋ سەبەپ بولعان. قۇجاتتاردا باراكات ادام ٶلتٸرگەن كٷنٸ الماتىعا ۇشىپ كەلٸپ, وتباسىمەن كەزدەسكەنٸ ايتىلعان. كەيٸن ول كافەدە ٸشٸمدٸك ٸشٸپ, تاڭعى ساعات 7-دە قوناقٷي بٶلمەسٸنە ورالعان. ول ۇشاقتى باسقارا المايتىنىن تٷسٸنٸپ, ەيەلٸنەن كٶمەك سۇراعان. ەيەلٸ ەۋەكومپانيياعا قوڭىراۋ شالىپ, كٷيەۋٸ اۋىرىپ قالعانىن ايتادى. بۇل كٷدٸكتٸنٸڭ اشۋىن تۋدىرعان. ول ەيەلٸن جۇدىرىعىمەن ۇرعان سەتتە بالا شۋدان ويانىپ كەتكەن. ەكەسٸ اشۋىن بالادان العان. كٸشكەنتاي قىزدىڭ امان قالۋ مٷمكٸندٸگٸ بولمادى, ونى سوت-مەديتسينالىق ساراپتاما راستادى, دەلٸنگەن قۇجاتتاردا.
