قويما جەنە ساۋدا الاڭدارىمەن قامتاماسىز ەتۋ ٷشٸن «قىزىلجار» ساۋدا-لوگيستيكالىق حابى قۇرىلادى. بۇل تۋرالى ٷكٸمەت وتىرىسىندا سولتٷستٸك قازاقستان وبلىسىنىڭ 2021-2025 جىلدارعا ارنالعان ەلەۋمەتتٸك-ەكونوميكالىق دامۋىنىڭ كەشەندٸ جوسپارىن تانىستىرۋ كەزٸندە قر ۇلتتىق ەكونوميكا مينيسترٸ ەسەت ەرعاليەۆ مەلٸم ەتتٸ, دەپ حابارلايدى قازاقپارات.
«قىزمەتتٸك بەلسەندٸلٸكتٸ دامىتۋ ٷشٸن ەلدٸڭ ەكٸمشٸلٸك ورتالىقتارىمەن بايلانىسىن قامتاماسىز ەتۋ ٷشٸن اۆيارەيستەر سانى ايىنا 16-دان 68-گە دەيٸن ارتادى. ٶڭٸردە تۋريستٸك ەلەۋەتتٸ كٷشەيتۋ جەنە سپورتتى دامىتۋ ماقساتىندا يمانتاۋ-شالقار كۋرورت ايماعىندا كٶپفۋنكتسيونالدى تۋريستٸك كەشەن سالۋ قامتاماسىز ەتٸلەدٸ. بۇل جىلىنا 100 مىڭنان 280 مىڭ تۋريستكە دەيٸن كٶبەيتۋدٸ قامتاماسىز ەتەدٸ. بۇدان باسقا, 100 ادامعا ارنالعان قوناق ٷيٸ بار سپورت ورتالىعىنىڭ, سونداي-اق پەتروپاۆل قالاسىندا 3 مىڭ ورىنعا كٶپفۋنكتسيونالدى سپورت سارايى سالىنادى», - دەدٸ مينيستر.
بۇدان باسقا, كەسٸپكەرلٸكتٸ دامىتۋ ماقساتىندا «بيزنەستٸڭ جول كارتاسى – 2025» باعدارلاماسى اياسىندا كەسٸپكەرلەردٸڭ كرەديتتەرٸ بويىنشا سىياقى مٶلشەرلەمەسٸن سۋبسيدييالاۋ جەنە كەپٸلدٸك بەرۋ, جاڭا بيزنەس-يدەيالاردى ٸسكە اسىرۋ ٷشٸن مەملەكەتتٸك گرانتتار بەرۋ, سونداي-اق بيزنەس سۋبەكتٸلەرٸنە قاجەتتٸ ينفراقۇرىلىمدى جەتكٸزۋ كٶزدەلگەن.
بۇدان بۇرىن حابارلانعانداي, بٷگٸن ٷكٸمەت وتىرىسىندا قر ۇلتتىق ەكونوميكا مينيسترٸ ەسەت ەرعاليەۆ سولتٷستٸك قازاقستان وبلىسىنىڭ 2021-2025 جىلدارعا ارنالعان ەلەۋمەتتٸك-ەكونوميكالىق دامۋىنىڭ كەشەندٸ جوسپارىن تانىستىردى. جوسپاردى ٸسكە اسىرۋدىڭ جالپى سوماسى 1,8 ترلن تەڭگە.
