قازٸرگٸ تاڭدا وبلىستاعى مەكتەپتەردٸڭ 93,1 پايىزى كەڭجولاقتى ينتەرنەتكە قوسىلعان. سونىمەن قاتار, مەملەكەتتٸك جەكەمەنشٸك ەرٸپتەستٸك نەگٸزٸندە 8096 ەسكٸ كومپيۋتەر جاڭارتىلىپ, زاماناۋي پەندٸك كابينەتتەر جەنە 3D زەرتحانالارىمەن قامتىلاتىن بولادى. بۇل تۋرالى قىزىلوردا وبلىسىنىڭ بٸلٸم باسقارماسىنىڭ باسشىسى مايرا مەلدەبەكوۆا مەلٸمدەدٸ.
2018-2019 وقۋ جىلىندا 154 559 وقۋشى, ونىڭ ٸشٸندە 18 942-سٸ بٸرٸنشٸ سىنىپقا بارادى. جاڭا وقۋ جىلىنىڭ قارساڭىندا قازالى جەنە جاڭاقورعان اۋداندارىندا جاڭا مەكتەپتەر پايدالانۋعا بەرٸلدٸ, جىل سوڭىنا دەيٸن ارال قالاسىندا 300 ورىندىق جەنە قىزىلوردا قالاسىندا 600 ورىندىق بٸلٸم وشاعى اشىلادى.
«وبلىستاعى قالعان بٸلٸم وشاقتارىندا اعىمداعى جٶندەۋ جۇمىستارى جٷرگٸزٸلدٸ. بٷگٸنگٸ تاڭدا وبلىستىڭ جالپى بٸلٸم بەرۋ مەكتەپتەرٸنٸڭ 93,1 پايىزى كەڭجولاقتى ينتەرنەت جەلٸسٸنە قوسىلعان, جىل سوڭىنا دەيٸن قالعان مەكتەپتەر تولىعىمەن قامتىلادى. مەملەكەتتٸك جەكەمەنشٸك ەرٸپتەستٸك شەڭبەرٸندە بٸلٸم ۇيالارىنداعى 8096 ەسكٸرگەن كومپيۋتەردٸ اۋىستىرۋ جوسپارلانۋدا. بۇدان باسقا, 242 مەكتەپ ەلەكتروندىق جۋرنال «كٷندەلٸك» جٷيەسٸندە جۇمىسىن باستايدى», - دەدٸ بٸلٸم باسقارماسىنىڭ باسشىسى.
ايتا كەتەيٸك, وبلىس ورتالىعىنداعى بارلىق بالاباقشالاردا «ەلەكتروندى بالاباقشا» جٷيەسٸ قوسىلعان, باسقا دا مەكتەپكە دەيٸنگٸ مەكەمەلەر جاڭا وقۋ جىلىندا قوسىلادى.
جاڭا وقۋ جىلىنان باستاپ 3,6,8-سىنىپتار جاڭارتىلعان مازمۇنداعى بٸلٸم بەرۋ بويىنشا وقيدى. قىرىق التى يننوۆاتسييالىق مەكتەپتە فيزيكا, ينفورماتيكا, حيمييا جەنە بيولوگييا پەندەرٸ اعىلشىن تٸلٸندە وقىتىلادى. وبلىستا 649 مۇعالٸم اعىلشىن تٸلٸ كۋرسىنان ٶتتٸ.
سونىمەن قاتار, 156 مەكتەپ فيزيكا, حيمييا, بيولوگييا پەندەرٸنٸڭ زاماناۋي كابينەتتەرٸمەن جابدىقتالۋدا, 92 مەكتەپ روبوتوتەحنيكا كابينەتتەرٸمەن, 9 وقۋشىلار سارايى «3D زەرتحانالارمەن» قامتىلادى. قالالىق جەنە اۋىلدىق مەكتەپتەر دەڭگەيٸن تەڭەستٸرۋ باعىتىنداعى شارالار اياسىندا شاعىن جيناقتالعان مەكتەپتەر Bilim Book كەشەنٸمەن قامتىلادى.
«ٶزدەرٸڭٸز بٸلەتٸندەي, جالاعاش اۋدانى, شەمەنوۆ اۋىلىنداعى 2018 جىلى اپاتتىق دەپ تانىلعان مەكتەپتەن باسقا وبلىستا ٷش اۋىسىمدىق بٸلٸم بەرۋ جەنە اپاتتىق مەكتەپتەر جويىلدى. وقۋلىقتار مەن وقۋ-ەدٸستەمەلٸك كەشەندەردٸ ساتىپ الۋعا 1,5 ملرد. تەڭگە بٶلٸندٸ. 1 تامىزدان 30 قىركٷيەككە دەيٸن «مەكتەپكە جول» دەستٷرلٸ رەسپۋبليكالىق قايىرىمدىلىق اكتسيياسى ٶتكٸزٸلٸپ, وندا 4 مىڭنان استام بالا 22 ميلليون تەڭگەدەن استام قاراجات كٶلەمٸندە كٶمەككە يە بولدى», - دەدٸ مايرا مەلدەبەكوۆا.
جاڭا وقۋ جىلىندا «رۋحاني جاڭعىرۋ» باعدارلاماسى اياسىندا 5-7 سىنىپتار بويىنشا «ٶلكەتانۋ» پەنٸ ەنگٸزٸلەدٸ. سونداي-اق, بيىلدان باستاپ 3-سىنىپتاردا «اقپاراتتىق-كوممۋنيكاتسييالىق تەحنولوگييالار» پەنٸ ەنگٸزٸلەتٸن بولادى.
ەستەرٸڭٸزگە سالايىق, ٶتكەن وقۋ جىلىندا 7113 مەكتەپ بٸتٸرۋشٸ تٷلەكتٸڭ 4742-سٸ ۇلتتىق بٸرىڭعاي تەستٸلەۋگە قاتىسقان. ۇبت-نىڭ ورتاشا بالى 85,2% قۇرادى. 2732 تٷلەك مەملەكەتتٸك بٸلٸم بەرۋ گرانتىنا يە بولدى. سونداي-اق, قىزىلوردا وبلىسى ەكٸمٸنٸڭ 205 گرانتى, 43 رەكتور گرانتى, مەسكەۋ مەن سانكت-پەتەربۋرگتٸڭ جەتەكشٸ جوعارى وقۋ ورىندارىنىڭ 70 گرانتى مەن ەۋرازەق پارلامەنتارالىق اسسامبلەياسىنىڭ جانىنداعى ۋنيۆەرسيتەتٸنە 10 گرانت بٶلٸندٸ. 39 گرانت ەسكەري وقۋعا جەنە شەتەلدٸك ۋنيۆەرسيتەتتەرگە 29 گرانت بٶلٸنگەن. وسىلايشا, 3 مىڭنان استام سىر بويىلىق تٷلەك گرانت نەگٸزٸندە بٸلٸم الادى.
