قىزىلورداداعى بالالار ويىن-ساۋىق ورتالىعىندا جارىلىس بولدى. ورتالىقتىڭ بٸرٸنشٸ قاباتى ٶرتكە وراندى, - دەپ حابارلايدى "ۇلت اقپارات" قىزىلوردا وبلىستىق تجد باسپاسٶز قىزمەتٸنە سٸلتەمە جاساپ.
جارىلىس بٷگٸن ساعات 7.20 شاماسىندا بولعان.
"جارىلىس تولقىنى سالدارىنان ويىن-ساۋىق ورتالىعىنىڭ ماڭىنداعى 50 شارشى مەتر اۋماقتا ورنالاسقان اعاش ساراي مەن شاتىر وپىرىلىپ, جەڭٸس كٶشەسٸندەگٸ كٶرشٸ ٷيدٸڭ تەرەزەلەرٸ دە بٷلٸنگەن.
ٶرت قىزمەتٸنٸڭ بٸرٸنشٸ بٶلٸمشەسٸ وقيعا ورنىنا جەرگٸلٸكتٸ ۋاقىت بويىنشا 7.24-تە كەلدٸ, بارلاۋدان كەيٸن ٶرتتٸ سٶندٸرۋگە كٸرٸستٸ. جارىلىس سالدارىنان ٶرت 200 شارشى مەترلٸك بالالار ويىن-ساۋىق ورتالىعىنىڭ بٸرٸنشٸ قاباتىن شارپىعان", - دەلٸنگەن حابارلامادا.
وقيعا ورنىنا جەدەل جەتكەن «قازترانسگاز ايماق» اق قىزىلوردا فيليالىنىڭ قىزمەتكەرلەرٸ, گاز قىزمەتٸنٸڭ اۆارييالىق-ديسپەتچەرلٸك بريگاداسىنىڭ ماماندارى «پۋمبا» كافەسٸن جەنە وسى عيماراتقا جاقىن تۇرعان ٷيدٸ گازدان اجىراتقان.
قۇتقارۋشىلار ٶرتتٸ 7.44-تە وقشاۋلاپ, 8.15-تە تولىعىمەن سٶندٸردٸ. قازا بولعاندار مەن زارداپ شەككەندەر جوق.
"ٶرتتٸڭ شىعۋىنىڭ الدىن الا سەبەبٸ - تابيعي گازدىڭ شىعۋى", - دەدٸ تجد ٶكٸلٸ.
ٶرتتٸ سٶندٸرۋگە قىزىلوردا وبلىسى تجد-نىڭ 48 قىزمەتكەرٸ مەن 12 تەحنيكاسى, پوليتسييا دەپارتامەنتٸنٸڭ 8 قىزمەتكەرٸ مەن 3 تەحنيكاسى, جەدەل مەديتسينالىق جەردەم بريگاداسىنىڭ 9 قىزمەتكەرٸ مەن 3 تەحنيكاسى, "قازترانسگازايماق" اق-نىڭ 2 قىزمەتكەرٸ مەن 1 تەحنيكاسى, "قەتك" اق-نىڭ 2 قىزمەتكەرٸ مەن 1 تەحنيكاسى جۇمىلدىرىلدى.
