قىزىلوردا وبلىسى ارال اۋدانىنا قاراستى قاراقۇم اۋىلدىق وكرۋگٸندە 2 ادام ەكٸم سايلاۋىنا تٷسٸپ جاتىر, دەپ حابارلايدى "ۇلت اقپارات".
قاراقۇم - وبلىستاعى ەڭ شالعاي اۋىلداردىڭ بٸرٸ. جەرگٸلٸكتٸ تۇرعىندار ماڭىزدى شاراعا بەلسەنە قاتىسۋدا. ولاردىڭ باسىم كٶپشٸلٸگٸ سايلاۋ ۋچاسكەسٸنە كەلٸپ ٷلگەردٸ.
ەلدٸ مەكەندە رەسيما ٸزباساروۆا ەڭ جاس سايلاۋشى رەتٸندە تٸركەلگەن. ول بٷگٸن سايلاۋ ۋچاسكەسٸنە بارىپ, تاڭداۋىن جاسادى.
«مەن ٶز تۋعان اۋىلىمنىڭ كەلەشەگٸ كەمەل بولعانىن قالايمىن. تۇڭعىش رەت قاتىسقان سايلاۋىمدا تۋعان ٶزٸم سەنٸم بٸلدٸرگەن ادامعا قولداۋ كٶرسەتتٸم. سايلانعان ەكٸم اۋىلدى ٶركەندەتۋ ٷشٸن جۇمىس جاسايتىنىنا سەنەمٸن»- دەيدٸ ول.
ال سايلاۋ ۋچاسكەسٸندە 100-ٸنشٸ بولىپ داۋىس بەرگەن اۋىل تۇرعىنىنا سىيلىق تابىستالدى. مۇنداي قۇرمەتكە مارال نۇرجانوۆا يە بولدى.
«بٷگٸنگٸ ناۋقاننىڭ اۋىل حالقى ٷشٸن مەنٸ زور. سەبەبٸ تۇرعىندار اۋىل ەكٸمٸن ٶزدەرٸ تاڭدادى. ناۋقاندا جٷزٸنشٸ تۇرعىن رەتٸندە سايلاۋ ۋچاسكەسٸ تاراپىنان سىيلىق بەرٸلگەنٸ كٷتپەگەن جاعداي بولدى. اۋىلىمىزدىڭ گٷلدەنە بەرۋٸنە تٸلەكتەسپٸن», - دەدٸ ول.
ٶڭٸردە 40 سايلاۋ وكرۋگٸندە اۋىل ەكٸمٸ سايلاۋ ٶتكٸزٸلۋدە. وندا بارلىعى 122 ادام ٷمٸتكەر رەتٸندە تٸركەلگەن. ونىڭ ٸشٸندە ساياسي پارتييالاردان - 47 ادام تٷسسە, 75 كانديدات ٶزٸن-ٶزٸ ۇسىنعاندار.
