Qyzylorda oblysy Aral aýdanyna qarasty Qaraqum aýyldyq okrýginde 2 adam ákim sailaýyna túsip jatyr, dep habarlaidy "Ult aqparat".
Qaraqum - oblystaǵy eń shalǵai aýyldardyń biri. Jergilikti turǵyndar mańyzdy sharaǵa belsene qatysýda. Olardyń basym kópshiligi sailaý ýchaskesine kelip úlgerdi.
Eldi mekende Rásima Izbasarova eń jas sailaýshy retinde tirkelgen. Ol búgin sailaý ýchaskesine baryp, tańdaýyn jasady.
«Men óz týǵan aýylymnyń keleshegi kemel bolǵanyn qalaimyn. Tuńǵysh ret qatysqan sailaýymda týǵan ózim senim bildirgen adamǵa qoldaý kórsettim. Sailanǵan ákim aýyldy órkendetý úshin jumys jasaitynyna senemin»- deidi ol.
Al sailaý ýchaskesinde 100-inshi bolyp daýys bergen aýyl turǵynyna syilyq tabystaldy. Mundai qurmetke Maral Nurjanova ie boldy.
«Búgingi naýqannyń aýyl halqy úshin máni zor. Sebebi turǵyndar aýyl ákimin ózderi tańdady. Naýqanda júzinshi turǵyn retinde sailaý ýchaskesi tarapynan syilyq berilgeni kútpegen jaǵdai boldy. Aýylymyzdyń gúldene berýine tilektespin», - dedi ol.
Óńirde 40 sailaý okrýginde aýyl ákimi sailaý ótkizilýde. Onda barlyǵy 122 adam úmitker retinde tirkelgen. Onyń ishinde saiasi partiialardan - 47 adam tússe, 75 kandidat ózin-ózi usynǵandar.
