قىزىلوردا وبلىسىندا كونگو-قىرىم قاندى بەزگەگٸنە شالدىعۋ جاعدايى تٸركەلدٸ. مۇنداي وقيعا بۇعان دەيٸن قىس مەزگٸلٸندە ورىن العان ەمەس, دەپ حابارلايدى "ۇلت اقپارات".
جاڭاقورعان اۋدانى قۇتتىقوجا اۋىلى تۇرعىنى كونگو-قىرىم قاندى بەزگەنٸنە شالدىقتى. ناۋقاستىڭ دياگنوزى زەرتحانالىق جولمەن ناقتىلاندى. قازٸرگٸ تاڭدا ول جاڭاقورعان اۋداندىق ورتالىق اۋرۋحاناسىنىڭ جۇقپالى اۋرۋلار بٶلٸمٸندە ەم قابىلداۋدا. ناۋقاس مال شارۋاشىلىعىمەن اينالىسادى, جالدانىپ مال باعادى.
«جەدەل حابارلاما كەلٸپ تٷسكەن ۋاقىتتان باستاپ ەپيدەميولوگييالىق توپ قۇرىلدى. اۋرۋ وشاعىندا ٸندەتكە قارسى ٸس-شارالار كەشەنٸ تولىعىمەن ورىندالدى. اۋلا, كٷل-قوقىس تاستايتىن ورىن, ناۋقاس مال باعاتىن شارۋا قوجالىعىنداعى وشاقتا ەپيدەميولوگييالىق توپ ماماندارىمەن زالالسىزداندىرۋ جۇمىستارى تولىق جٷرگٸزٸلدٸ. اۋىلشارۋاشىلىعى مالدارى كەنەگە قارسى «كرەولين-ح» پرەپاراتىمەن زالالسىزداندىرىلدى. وشاقتا مال قورا مەن اۋىلشارۋاشىلىق مالدارىنان كەنەلەر انىقتالعان جوق. ەپيدەميولوگييالىق زەرتتەۋلەر بارىسىندا ناۋقاسپەن قارىم-قاتىناستا 9 ادام بولعانى انىقتالدى. ولاردىڭ بارلىعى دا مەديتسينالىق باقىلاۋعا الىندى. ونىڭ ٸشٸندە ناۋقاسپەن تىعىز قاتىناستا بولعان جۇبايى مەن قىزى اۋدانارالىق اۋرۋحانانىڭ جۇقپالى اۋرۋلار بٶلٸمٸنە جاتقىزىلدى. قازٸرگٸ تاڭدا پروفيلاكتيكالىق تولىق ەمٸن الىپ, ٷيٸنە شىعارىلدى. ناۋقاسقا ستاندارتتى الگوريتم بويىنشا ەم تاعايىندالىپ, جٷرگٸزٸلدٸ. بٷگٸنگٸ كٷنٸ ناۋقاستىڭ جاعدايى قالىپتى», - دەپ مەلٸم ەتتٸ قىزىلوردا وبلىسىنىڭ تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ باسشىسىنىڭ ورىنباسارى ەلييا ەبدٸقايىموۆا.
ەلييا ەبدٸقايىموۆانىڭ ايتۋىنشا, كەنە شاعۋ جاعدايى ورىن العاندا مٸندەتتٸ تٷردە تۇرعىلىقتى مەكەن-جايىڭىز بويىنشا مەديتسينالىق كٶمەككە جٷگٸنۋٸڭٸز قاجەت. كٶمەككە ەرتە جٷگٸنۋ ارقىلى اۋرۋدىڭ اسقىنۋىن بولدىرماۋعا بولادى.
نەگٸزٸندە كەنەلەر ناۋرىز بەن قىركٷيەك ارالىعىندا بەلسەندٸ, ال مامىر-شٸلدە ايلارىندا ولار كٷشەيە تٷسەدٸ. الايدا كەنە شاعۋ دەرەكتەرٸ قىس مەزگٸلٸندە دە كەزدەسٸپ جاتادى. قازٸرگٸ تاڭدا قىزىلوردا وبلىسىنىڭ وڭتٷستٸگٸندەگٸ جاڭاقورعان جەنە شيەلٸ اۋداندارىندا اۋا رايى جىلىلىعىمەن ەرەكشەلەنٸپ تۇر. سوندىقتان كەنەلەر ەلٸ دە بەلسەندٸلٸگٸن جويعان جوق.
بۇدان بۇرىن قىزىلوردادا كٷيدٸرگٸ اۋرۋىنىڭ 60 وشاعى بار ەكەنٸن حابارلاعان بولاتىنبىز.
