قىزىلوردادا اقشالاي سىياقى ٷشٸن بٸر توپ ادام تٷلەكتەرگە, مۇعالٸمدەر مەن مەكتەپ باسشىلارىنا ۇلتتىق بٸرىڭعاي جەنە بٸلٸكتٸلٸك تەستٸلەۋٸنەن سەتتٸ ٶتۋگە كٶمەكتەسكەن, - دەپ حابارلايدى Tengrinews.kz اگەنتتٸگٸ قىزىلوردا №2 سوتىنىڭ باسپاسٶز قىزمەتٸنە سٸلتەمە جاساپ.
ۆەدومستۆونىڭ باسپاسٶز قىزمەتٸ ٶكٸلدەرٸنٸڭ مەلٸمەتٸنشە, التى ايىپتالۋشى اقپاراتتاندىرۋ جەنە بايلانىس سالاسىندا اۋىر قىلمىس جاساعان.
"س. جەنە د. ەسٸمدٸ ازاماتتار اقشالاي سىياقى الۋ ماقساتىندا زاڭسىز تەستٸلەۋدٸ ۇيىمداستىرۋ ٷشٸن "F" جشس-نىڭ تەحنيكالىق ديرەكتورىمەن شارت جاساستى. كەلٸسٸمگە سەيكەس, ۇلتتىق تەستٸلەۋ ورتالىعىنىڭ "كومپيۋتەرلٸك تەستٸلەۋ" بازاسىنا زاڭسىز قاشىقتىقتان قوسىلۋدى فيليال وپەراتورى ا. جٷرگٸزۋٸ كەرەك ەدٸ, ول ٷشٸن وعان سىياقى ٷلەسٸ ۋەدە ەتٸلدٸ", - دەپ حابارلادى سوتتىڭ باسپاسٶز قىزمەتٸ ٶكٸلدەرٸ.
سحەمانىڭ تاعى بٸر قاتىسۋشىسى - IT مامانى تەستٸلەنۋشٸلەردٸڭ كومپيۋتەرلەرٸنە قاشىقتان قول جەتكٸزۋدٸ قامتاماسىز ەتەتٸن ارنايى قۇرىلعى دايىنداپ, ونى سەرٸكتەسٸنە بەرگەن.
وسىلايشا, ا. ەسٸمدٸ وپەراتور ۇلتتىق تەستٸلەۋ ورتالىعىنىڭ "كومپيۋتەرلٸك تەستٸلەۋ" دەرەكتەر بازاسىنا قاشىقتان قوسىلۋ ارقىلى 100-دەن اسا تەستٸلەۋ كومپيۋتەرلەرٸنە زاڭسىز قوسىلىپ, زاڭسىز رۇقسات الىپ, تەستٸلەۋ كەزٸندە تەست سۇراقتارىن كٶشٸرٸپ, دۇرىس جاۋاپتارىن الدى. VNC Viewer جەنە AnyDesk قوسىمشالارى ارقىلى تەستٸلەۋشٸلەرگە جوعارى ۇپايلار جينالدى. ال قىلمىستىق توپ تيٸستٸ سىياقى العان.
"سوتتالۋشىلاردىڭ زاڭسىز ەرەكەتتەرٸنٸڭ سالدارىنان مەملەكەتكە 27 594 052 تەڭگە كٶلەمٸندە ماتەريالدىق شىعىن كەلتٸرٸلگەن. الايدا سوتالدى تەرگەپ-تەكسەرۋ بارىسىندا كەلتٸرٸلگەن زالال تولىعىمەن ٶتەلدٸ", - دەپ حابارلادى قىزىلوردا №2 سوتىنىڭ باسپاسٶز قىزمەتٸ ٶكٸلدەرٸ.
ٸس پروتسەستٸك كەلٸسٸممەن سوتقا جولداندى.
سوت ٷكٸمٸمەن سوتتالۋشىلار ا. جەنە ك. ەسٸمدٸ ادامدار كٸنەلٸ دەپ تانىلىپ, ولارعا ٷش جىل مەرزٸمگە باس بوستاندىعىنان ايىرۋ جازاسى تاعايىندالدى. بۇل ٸس بويىنشا باسقا ايىپتالۋشىلار دا دەل وسىنداي مەرزٸمگە جازالاندى.
"بارلىق سوتتالۋشى قىلمىستىق كودەكستٸڭ 63-بابى 1-بٶلٸگٸنە سەيكەس شارتتى تٷردە سوتتالدى", - دەلٸنگەن حابارلامادا.
ٷكٸم زاڭدى كٷشٸنە ەنگەن جوق.
