قىزىلوردا وبلىسى اۋماعىندا سىردارييا بويىندا سۋ تاسقىنى قاۋپٸ ورىن الىپ وتىر. قازٸر وبلىستا بۇل باعىتتا الدىن الۋ شارالارى جٷرگٸزٸلٸپ كەلەدٸ, دەپ حابارلايدى "ۇلت اقپارات".
سىردارييا ٶزەنٸنٸڭ باسىم بٶلٸگٸ قىزىلوردا وبلىسى اۋماعىنان ٶتەدٸ. دارييانىڭ سىر ٶڭٸرٸندەگٸ ۇزىندىعى 1274 شاقىرىمدى قۇرايدى. جوعارى بٶلٸكتەن شاردارا سۋ قويماسىنا سەكۋندىنا 900 تەكشەمەتر سۋ قۇيىلۋدا. قازٸرگٸ تاڭدا سۋ قويماسىندا 3,2 ملرد تەكشەمەتر سۋ جينالعان. ول بىلتىرعى جىلعى دەل وسى كەزەڭمەن سالىستىرعاندا 1,5 ملرد تەكشەمەترگە ارتىق. سۋ قويماسىنان تٶمەنگٸ بٶلٸككە سەكۋندىنا 650 تەكشەمەتر سۋ بوساتىلسا, وعان ارىس ٶزەنٸنەن 10 تەكشەمەتر سۋ قوسىلادى.
«قىزىلوردا وبلىسى اۋماعىنا سەكۋندىنا 571 تەكشەمەتر كەلٸپ جاتىر. قىزىلوردا قالاسى تۇسىنداعى سۋ تورابىنان 475 تەكشەمەتر سۋ اعىپ جاتسا, ول قازالى اۋدانىندا 420, دارييانىڭ تەڭٸزگە قۇياتىن تۇسىنداعى اقلاق سۋ تورابىندا 260 تەكشەمەتردٸ قۇرايدى. قازٸرگٸ تاڭدا وبلىستىڭ وڭتٷستٸگٸندەگٸ جاڭاقورعان اۋدانىندا دارييا بەتٸ تازا, ەشقانداي مۇز ۇستاسۋ بايقالىپ وتىرعان جوق. ول شيەلٸ اۋدانىنىڭ مايلىتوعاي ەلدٸ مەكەنٸ تۇسىنا دەيٸن دە دەل وسىنداي جاعداي كٶرٸنٸس بەرٸپ وتىر. ال قىزىلوردا قالاسى تۇسىنداعى 4 اۋماقتا مۇز ۇستاسقان. ال سىردارييا, جالاعاش اۋداندارىندا مۇزدىڭ قالىڭدىعى 5-10 سانتيمەتر بولسا, ول قارماقشى, قازالى, ارال اۋداندارىندا 10-15 سانتيمەترگە دەيٸن جەتەدٸ. وبلىستا اۋا رايى قازٸرگٸدەي بولىپ جاتسا, قاڭتار ايىنىڭ العاشقى ون كٷندٸگٸنە دەيٸن مۇزدىڭ ۇستاسۋى شيەلٸ كەنتٸنە دەيٸن كٶرٸنٸس بەرەدٸ دەگەن جوسپارىمىز بار», - دەدٸ قر قورشاعان ورتا جەنە سۋ رەسۋرستارىن پايدالانۋدى رەتتەۋ جەنە قورعاۋ جٶنٸندەگٸ ارال-سىردارييا باسسەيندٸك ينسپەكتسيياسىنىڭ باسشىسى ەدٸلحان قارلىحانوۆ.
سىر ٶڭٸرٸندە ەكٸ جاعالاۋىن قوسا ەسەپتەگەندە بارلىعى 609,4 شاقىرىم قورعانىس بٶگەتٸ بار. بيىل وبلىس كٶلەمٸندە سۋ تاسقىنىنىڭ الدىن الۋ ماقساتىندا جالپى ۇزىندىعى 40 شاقىرىمدى قۇرايتىن ٶزەن بويى قورعانىس بٶگەتتەرٸنٸڭ 31 ۋچاسكەسٸندە جٶندەۋ-قالپىنا كەلتٸرۋ جۇمىستارى جٷرگٸزٸلدٸ.
«وبلىس اۋماعىندا قورعانىس بٶگەتتەرٸنٸڭ قاۋٸپتٸ دەپ سانالاتىن تۇستارى 56 سۋ باسۋ ايماعىنا بٶلٸنگەن. وعان 111 جاۋاپتى مەكەمە بەكٸتٸلگەن. سۋ تاسقىنىنىنا قارسى پايدالانىلاتىن جانارماي قورى جەنە ٶزگە دە دٷنيەلەر ساقتالىپ وتىر. سونداي-اق, 17850 باۋ قامىس جەنە باسقا دا قاجەتتٸ ماتەريالدار قورى جاساقتالعان. سونىمەن قاتار, قىزىلوردا قالاسى مەن اۋدانداردا تاسقىن سۋ كەزەڭٸندە حالىقتى كٶشٸرۋگە ارنالعان ەۆاكۋاتسييالىق جيناقتاۋ جەنە قابىلداۋ بەكەتتەرٸ دايىندىققا كەلتٸرٸلگەن. جوعارىدان كەلەتٸن سۋ كٶلەمٸن قاۋٸپتٸ مٶلشەردەن اسىرماۋ ماقساتىندا سۋ رەسۋرستارى كوميتەتٸمەن كەلٸسٸلگەن. سونىڭ نەتيجەسٸندە شاردارا مەن كٶكساراي سۋ قويمالارىنان تٶمەنگە بوساتىلاتىن سۋ كٶلەمٸنٸڭ كەستەسٸ بەكٸتٸلدٸ. بٷگٸنگٸ تاڭدا سىردارييا ٶزەنٸ ارناسىندا مۇز ۇستاسۋ پروتسەسٸ جٷرۋٸنە بايلانىستى وبلىستىڭ ازاماتتىق قورعاۋ قىزمەتتەرٸ كٷشەيتٸلگەن رەجيمگە كەلتٸرٸلگەن», - دەدٸ قىزىلوردا وبلىستىق جۇمىلدىرۋ دايىندىعى باسقارماسى باسشىسىنىڭ ورىنباسارى عابيت جاڭاباەۆ.
2019 جىلدىڭ قاڭتار ايىنىڭ العاشقى اپتاسىندا شاردارادان تٶمەنگٸ بٶلٸككە سەكۋندىنا 900 تەكشە مەتر سۋ بوساتىلادى دەپ جوسپارلانىپ وتىر. ونىڭ 500 تەكشەمەترٸ كٶكساراي سۋ رەتتەگٸشٸنە جٸبەرٸلەدٸ.
بٷگٸنگٸ كٷنٸ سىردارييا ٶزەنٸ ارناسىنداعى سۋ شارۋاشىلىعى نىساندارىنىڭ جاعدايى بٸرقالىپتى دەپ باعالانىپ وتىر.
ەستەرٸڭٸزگە سالا كەتەلٸك, بۇدان بۇرىن قىزىلوردا وبلىسى قازالى اۋدانى اۋماعىندا دارييا بويىنداعى قورعانىس بٶگەتٸ جارىلدى. ودان كەيٸن قازگيدرومەت سىردارييا ارناسىنان شىعىپ كەتۋٸ مٷمكٸن ەكەنٸن حابارلادى.
