قىزىلوردا وبلىسىندا سوڭعى بٸر اپتادا 144 ادام كوروناۆيرۋس جۇقتىردى. مۇنداي ٶسٸم كٶرسەتكٸشٸ سانيتارييالىق تالاپتاردىڭ ساقتالماۋ سالدارىنان تٸركەلگەن, دەپ حابارلايدى "ۇلت اقپارات".
وبلىستا بيىلعى جىلدىڭ 28 ناۋرىزى مەن 3 ماۋسىمعا ارالىعىندا كوروناۆيرۋس ينفەكتسيياسىنىڭ 449 دەرەگٸ انىقتالدى. ونىڭ 220 جاعدايى نەمەسە 49% تٶتەنشە جاعداي الىنعاننان كەيٸنگٸ بٸر ايعا تولمايتىن ۋاقىتتا تٸركەلٸپ وتىر.
ال 27 مامىر-2 ماۋسىم ارالىعىندا اۋرۋ سانى ەڭ جوعارى كٶرسەتكٸشكە جەتٸپ, بٸر اپتادا 144 جاعداي تٸركەلدٸ.
«بٸر وشاقتان 56-60 اۋرۋ جاعدايى تٸركەلگەن دەرەكتەر كەزدەستٸ. مۇنداي ٶسٸم كٶرسەتكٸشٸ سانيتارييالىق تالاپتاردىڭ ساقتالماۋ سالدارىنان تٸركەلۋدە. سوڭعى كٷندەردە وبلىستا تٶتەنشە جاعداي الىنىپ, كارانتين تالاپتارى جەڭٸلدەتٸلدٸ. حالىقتىڭ تىنىس-تٸرشٸلٸگٸنە قاجەتتٸ سالالار مەن نىساندار كەزەڭ-كەزەڭٸمەن ٸسكە قوسىلدى.
جاز مەزگٸلٸنٸڭ اپتاپ ىستىعىندا حالىقتى شەكتەۋدە ۇستاۋ مٷمكٸن ەمەس. دەگەنمەن شىدامدىلىق تانىتىپ وقشاۋلانۋدىڭ قاراپايىم ەرەجەلەرٸن ەپيدەميولوگييالىق احۋال تۇراقتانعانشا ۇستاعانىمىز جٶن. بٷگٸنگٸ كٷردەلٸ ەپيدەميولوگييالىق احۋال ەلٸ دە بولسا مەرەكەلٸك شارالاردى, جيىن-تويلاردى, ويىن-ساۋىقتاردى, توپتاسىپ قىدىرۋدى دوعارا تۇرۋدى تالاپ ەتەدٸ», - دەدٸ قىزىلوردا وبلىسىنىڭ تاۋارلار مەن كٶرەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسشىسىنىڭ ورىنباسارى, وبلىستىڭ باس مەملەكەتتٸك سانيتارييالىق دەرٸگەرٸ ەلييا ەبدٸقايىموۆا.
وبلىستىڭ باس سانيتارىنىڭ ايتۋىنشا, سانيتارلىق-گيگيەنالىق تالاپتاردى بۇلجىتاي ورىنداعاندا عانا بۇل ينفەكتسييانى تۇراقتاندىرۋعا بولادى. وبلىستا تٸركەلگەن اۋرۋدىڭ 80-90% جەڭٸل, كلينيكالىق بەلگٸلەرٸنسٸز ٶتۋدە. بٸراق بۇل جاقسى كٶرسەتكٸش دەپ ايتا المايمىز. سەبەبٸ, كلينيكاسىز جٷرگەن ادامدار ۆيرۋس تاسىمالداۋشىلارى بولىپ سانالادى. وتباسىنداعى, ۇجىمداعى جالپى قوعامداعى يممۋنيتەتٸ تٶمەن ادامدار ٷشٸن ٷلكەن قاۋٸپ تٶندٸرەدٸ.
«وعان دەلەل بٷگٸنگٸ كٷنگٸ جانساقتاۋ بٶلٸمٸندە اۋىر حالدە ەم الىپ جاتقان ازاماتتار. تاسىمالداۋشى پاتسيەنت «د» ەسەپتە تۇرعان, ەگدە جاستاعى ادامدار, بوسانعان نەمەسە جٷكتٸ ەيەلدەر مەن بالالار ٷشٸن اۋرۋ كٶزٸ بولىپ تابىلادى.
جالپى كوروناۆيرۋس ينفەكتسيياسىنىڭ بٸرنەشە تٷرٸ بار. سونىڭ ٸشٸندە ەتيولوگيياسى بەلگٸسٸز بولىپ وتىرعان جاڭا COVID-19 قوزدىرعىشى وسى اتالعان توپتىڭ باسقا تٷرلەرٸنە قاراعاندا قورشاعان ورتادا ىستىققا دا, قاتتى سۋىققا دا تٶزٸمدٸ. سول سەبەپتٸ ينفەكتسييانىڭ مەرزٸمدٸك كٶتەرٸلۋ نەمەسە تٷسۋٸنە ەش ەسەرٸن تيگٸزبەي وتىر. سوندىقتان وقشاۋلاۋ تەرتٸبٸ, سانيتارييالىق-گيگيەنالىق ەرەجەلەر ساقتالماعان جاعدايدا بۇل ينفەكتسييانى اۋىزدىقتاۋ مٷمكٸن ەمەس», - دەدٸ ول.
