قىزىلوردالىق سۋرەتشٸ, قازاقستان سۋرەتشٸلەر وداعىنىڭ مٷشەسٸ راحىم شەگەباەۆ شىعارماشىلىعىنىڭ 45 جىلدىعىنا ارنالعان جەكە كٶرمەسٸندە «تەۋەلسٸزدٸككە تارتۋ» اتتى كٸتابىنىڭ تۇساۋكەسەر رەسٸمٸ ٶتتٸ.
قىزىلوردا وبلىسىنىڭ ەكٸمٸ قىرىمبەك كٶشەرباەۆ قىلقالام شەبەرٸن قۇتتىقتاپ, جاڭا شىعارماشىلىق تابىستار تٸلەدٸ.
«ادامزات ٶركەنيەتٸمەن بٸرگە جاساپ كەلە جاتقان, ٶز باستاۋىن عاسىرلار قويناۋىنان الاتىن سىردىڭ قاسيەتتٸ دە قاستەرلٸ توپىراعى تالاي تالانتتى تۇلعالاردى دٷنيەگە ەكەلدٸ. قازاقتىڭ تۇڭعىش ۇلتتىق دراما تەاترىنىڭ ساحنا كٶركەمدەۋشٸسٸ بولعان حالىق شەبەرٸ لەتيپا حوجىقوۆادان باستاپ, اعايىندى قوجاحمەت جەنە قۇلاحمەت حوجىقوۆتار, ساحي رومانوۆ پەن ساليحيتدين ايتباەۆتار قازاق بەينەلەۋ ٶنەرٸنٸڭ دامۋىنا ٷلەس قوسىپ, قايتالانباس ٶنەر ٶرنەگٸمەن ايرىقشا ٸز قالدىردى. ەربٸر سۋرەتشٸنٸڭ, ەربٸر كارتينانىڭ ٶزٸندٸك العان باعاسى, ٶزٸندٸك تاريحي مەنٸ, ۇرپاق قاجەتتٸلٸگٸنە جاراتارلىق قۇندىلىعى بار. سونىڭ بٸر دەلەلٸ - راحىم شەگەباەۆتىڭ شىعارمالارى تەك قازاقستاندا عانا ەمەس, شەتەلدە دە تانىمال, كانادا, اقش, پورتۋگالييا, ۆەنگرييادا دا قويىلعان»,-دەدٸ ايماق باسشىسى.
راحىم شەگەباەۆ – رەاليستٸك كٶركەمسۋرەت مەكتەبٸنٸڭ ٶكٸلٸ. ونىڭ شىعارماشىلىعى تٷركٸ ەلەمٸنٸڭ ابىزى قورقىت اتا جەنە سىر ٶڭٸرٸنٸڭ تابيعاتىمەن ٷندەس بولىپ كەلەدٸ.
ەستەرٸڭٸزگە سالايىق, تۇڭعىش بٷكٸلقازاقستاندىق رەسپۋبليكالىق كٶرمە 1926 جىلى جەنە قازاقستان سۋرەتشٸلەرٸنٸڭ تۇڭعىش كٶشپەلٸ كٶرمەسٸ 1928 جىلى قىزىلوردا قالاسىندا ٶتكەن بولاتىن.
2014 جىلدىڭ قاراشا ايىندا ايماقتا تاريحي جەنە مەدەني ماڭىزى بار جەرگٸلٸكتٸ ەسكەرتكٸش بۇرىنعى وبلىستىق ەسكەري كوميتەتتٸڭ عيماراتىندا كٶركەمسۋرەت گالەرەياسى اشىلعان بولاتىن. سودان بەرٸ گالەرەيادا جەرگٸلٸكتٸ جەنە سىرتتان كەلەتٸن قىلقالام شەبەرلەرٸنٸڭ كٶرمەلەرٸ, بەينەلەۋ ٶنەرٸ ساباقتارى ٶتكٸزٸلٸپ كەلەدٸ.
