جەر جەنناتى جەتٸسۋدان باستاۋ الىپ, ودان وردالى وڭتٷستٸككە جەتٸپ, سونان سوڭ كٶنە تارازدا جالعاسىن تاپقان «مەنٸڭ ەلٸم – مەڭگٸلٸك ەل» جاستار اكتسيياسى الاشقا انا, قازاققا پانا قاسيەتتٸ سىر ٶڭٸرٸندە دە ٶز دەرەجەسٸندە ٶتتٸ.
بٷگٸنگٸ بٸزدٸڭ باستى مۇراتىمىز تەۋەلسٸزدٸگٸمٸزدٸ تۇعىرلى, مەملەكەتتٸلٸگٸمٸزدٸ عۇمىرلى ەتۋ. بۇل جولدا جاستارعا ارتىلاتىن سەنٸم مەن جاۋاپكەرشٸلٸكتٸڭ جٷگٸ زور. ٶيتكەنٸ, ازات قازاقستاننىڭ كەمەل كەلەشەگٸ, الاش تۋىنىڭ كٷن سٶنگەنشە سٶنبەۋٸ ٶسكەلەڭ ۇرپاققا تٸكەلەي بايلانىستى. وسى رەتتە جاستاردى ەلجاندىلىققا, مەملەكەتشٸلدٸك ساناعا تەربيەلەيتٸن مۇنداي شارالاردىڭ ماڭىزى دا ارتا تٷسپەك. ال ەلٸمٸز بويىنشا مىڭداعان جالىندى جاس قاتىسقان شارانىڭ ٶتۋٸنە مۇرىندىق بولعان قازاقستان حالقى اسسامبلەياسى ەكەنٸن ايتقان ابزال.
قىزىلوردا قالاسىنداعى «دوستىق» ٷيٸنٸڭ الدىنداعى الاڭدا ەل تەۋەلسٸزدٸگٸنٸڭ 25 جىلدىعىنا ارنالعان «مەنٸڭ ەلٸم – مەڭگٸلٸك ەل» رەسپۋبليكالىق جاستار اكتسيياسىنا قازاقستان حالقى اسسامبلەياسىنىڭ مٷشەلەرٸ, قوعام قايراتكەرلەرٸ, ەتنومەدەني بٸرلەستٸكتەر مەن زييالى قاۋىم ٶكٸلدەرٸ, جاستار ۇيىمدارىنىڭ جەتەكشٸلەرٸ مەن ستۋدەنتتەر قاتىستى. شارانى سالتاناتتى تٷردە اشقان وبلىس ەكٸمٸنٸڭ ورىنباسارى رۋسلان رٷستەموۆ تەۋەلسٸزدٸك قۇندىلىقتارى جايىندا تەرەڭنەن تولعاپ سٶز سٶيلەدٸ.
اكتسييانىڭ نەگٸزگٸ ماقساتىن دا ايتا كەتەيٸك. اتالعان شارا «مەڭگٸلٸك ەل» جالپىۇلتتىق پاتريوتتىق يدەياسى مەن ونىڭ قۇندىلىقتارىن قازاقستاندىق قوعامدا, ەسٸرەسە, جاستار اراسىندا ناسيحاتتاپ, سانالارعا سٸڭٸرٸپ, تەۋەلسٸز قازاقستاننىڭ قالىپتاسۋى مەن دامۋ جولىندا ەلٸمٸزدٸڭ بارلىق ايماقتارىنداعى جاستاردىڭ قوسقان ٷلەسٸن جەنە جەتٸستٸكتەرٸن كٶرسەتۋ بولىپ تابىلادى.
اكتسييا بارىسىندا «مەڭگٸلٸك ەل جاستارىنىڭ جەتٸستٸكتەرٸ – قازاقستان رەسپۋبليكاسى تەۋەلسٸزدٸگٸنٸڭ 25 جىلدىعىنا» اتتى كٸتاپ ايماقتاردى ارالاپ جٷر. وندا تەۋەلسٸزدٸك جىلدارىندا جاستاردىڭ قول جەتكٸزگەن جەتٸستٸكتەرٸ, ٶڭٸرلەردە جاستارعا جاسالىپ جاتقان قامقورلىقتار, سونداي-اق «مەڭگٸلٸك ەل» پاتريوتتىق يدەياسىنىڭ بٸرٸكتٸرۋشٸ رٶلٸ تۋرالى جازىلعان. اكتسييا ايماقتاردا تٷگەلدەي ٶتٸپ بولعاننان سوڭ اتالعان كٸتاپ تۇڭعىش پرەزيدەنت كٷنٸنە وراي ەلباسىنا تابىس ەتٸلەدٸ.
اقمەشٸتتەگٸ شاراعا استانادان قازاقستان رەسپۋبليكاسى پرەزيدەنتٸ جانىنداعى قوعامدىق كەلٸسٸم رەسپۋبليكالىق مەملەكەتتٸك مەكەمەسٸنٸڭ قىزمەتكەرٸ ماكسيم سپوتكاي ارنايى كەلٸپ, تٸلەكتەستٸگٸن بٸلدٸردٸ. قازاق تٸلٸندە تازا سٶيلەپ, قىزىلوردالىق جاستارعا اكتسييانىڭ مەنٸ مەن ماڭىزى تۋرالى بايانداعان ول تەۋەلسٸز قازاقستاننىڭ جارقىن بولاشاعى ٷشٸن قىزمەت ٸستەۋ ەر ادامنىڭ پارىزى ەكەنٸن ايتتى. ال «جاستار رەسۋرستار ورتالىعىنىڭ» جەتەكشٸسٸ جاسۇلان الدابەرگەنوۆ جاستاردىڭ قوعامدا اتقارىپ جاتقان جارقىن ٸستەرٸنە توقتالدى. مۇنان سوڭ قازاقستان حالقى اسسامبلەياسى جاستار قاناتىنىڭ تٶراعاسى كونستانتين لۋتسا قىزىلوردا وبلىسى جاستارىنىڭ ٷندەۋٸن وقىپ بەردٸ.
وندا «بٸز – ەلباسى الاشتىڭ اناسىنا بالاعان قاسيەتتٸ سىر ٶڭٸرٸنٸڭ جاستارى اتا-بابالارىمىزدىڭ مۇراتىن بەكەمدەي تٷسٸپ, زامانداستارىمىزدى بولاشاق ۇرپاق الدىنداعى قاسيەتتٸ پارىزىمىزدى ادال ٶتەۋگە, بەيبٸتشٸلٸك پەن كەلٸسٸمنٸڭ, بٸرلٸك پەن تۇتاستىقتىڭ ماڭىزدىلىعىن سەزٸنۋگە, قوعام مەن مەملەكەتتٸڭ جوعارعى مٷددەلەرٸن ۇدايى نەگٸزگە الۋعا شاقىرامىز» دەلٸنگەن. ال دزيۋدودان جاستار اراسىنداعى ەلەم چەمپيونى باۋىرجان جاۋىنتاەۆ «مەڭگٸلٸك ەل جاستارىنىڭ جەتٸستٸكتەرٸ – قازاقستان رەسپۋبليكاسى تەۋەلسٸزدٸگٸنٸڭ 25 جىلدىعىنا» كٸتابىن اتىراۋ وبلىسىنىڭ دەلەگاتسيياسىنا سالتاناتتى تٷردە تابىستادى. اكتسييا سوڭى ەن مەن جىرعا ۇلاستى.
ەرجان بايتٸلەس,
«ەگەمەن قازاقستان».
.jpeg)