قىزىلوردادا تابيعات قورعاۋ ينسپەكتورلارى تەكسەرگەن كٶلٸكتەن قىزىل كٸتاپقا ەنگەن قاراقۇيرىقتىڭ ۇشاسى تابىلعان. الايدا تاعى ەكٸ ادام كەلٸپ ينسپەكتورلارعا مىلتىقتان وق اتىپ, قاراقۇيرىق ۇشاسىن تارتىپ الىپ كەتكەن, دەپ حابارلايدى "ۇلت اقپارات" ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ Telegram كانالىنا سٸلتەمە جاساپ.
براكونەرلٸكتٸڭ جولىن كەسۋ بويىنشا رەيد بارىسىندا «وحوتزووپروم» رمك قىزىلوردا وبلىسى بويىنشا فيليالىنىڭ ينسپەكتورلارى جالاعاش اۋدانىنىڭ تٶگٸسكەن جەرٸندە شاردارا اۋدانىنىڭ شەكٸلٸ اۋىلىنىڭ تۇرعىنىن ۇستاعان.
«تەكسەرۋ كەزٸندە ۇستالعان ادامنىڭ كٶلٸگٸنەن قىزىل كٸتاپقا ەنگٸزٸلگەن قاراقۇيرىقتىڭ ۇشاسى تابىلدى. كٷدٸكتٸ ۇستالعان جەرگە جەدەل-تەرگەۋ توبى شاقىرىلدى. ينسپەكتورلار پوليتسييا قىزمەتكەرلەرٸن كٷتٸپ تۇرعاندا قىزىلوردا قالاسىنىڭ ەكٸ تۇرعىنى وقيعا ورنىنا كەلٸپ, ينسپەكتورلاردىڭ قىزمەتتٸك كٶلٸكتەرٸنٸڭ بٸرٸنٸڭ دٶڭگەلەگٸنە مىلتىقتان وق اتقان. سودان كەيٸن ينسپەكتورلارعا قاۋٸپ تٶندٸرٸپ, قاراقۇيرىق ۇشاسىن الىپ كەتكەن», دەلٸنگەن حابارلامادا.
ۇزاماي ينسپەكتورلار مەن قۇقىق قورعاۋ ورگاندارىنىڭ قىزمەتكەرلەرٸ وق اتقان براكونەرلەردٸ دە ۇستادى. اتالعان فاكتٸ بويىنشا قر قىلمىستىق كودەكسٸنٸڭ 337-بابىنىڭ 4-تارماعى («زاڭسىز اڭ اۋلاۋ») جەنە 380-بابىنىڭ 2-تارماعى («بيلٸك ٶكٸلٸنە قاتىستى زورلىق-زومبىلىق قولدانۋ») بويىنشا جالاعاش اۋداندىق پوليتسييا بٶلٸمشەسٸندە قاماۋعا الىندى.
ەسكە سالا كەتسەك, ٶتكەن اپتادا قىزىلوردادا تابيعات قورعاۋ ينسپەكتورلارىنا وق اتقان ەكٸ ادام ۇستالعانى حابارلاندى.
