سالتاناتتى جيىندا ايماقتىڭ ٷزدٸك قۇرىلىسشىلارىنا قۇرمەت گراموتاسى, العىس حاتتار مەن قۇرمەتتٸ قۇرىلىسشى اتاعى تابىستالدى.
قىزىلوردا وبلىسىنىڭ ەكٸمٸ قىرىمبەك كٶشەرباەۆ سالا قىزمەتكەرلەرٸن كەسٸبي مەرەكەلەرٸمەن قۇتتىقتاپ, ايماقتىڭ وسى سالادا قول جەتكٸزگەن تابىستارىن اتاپ ٶتتٸ.
«قۇرىلىسشىلاردىڭ ەرەن ەڭبەكتەرٸنٸڭ ارقاسىندا بٷگٸنگٸ كٷنٸ بٸزدٸڭ ٶڭٸرٸمٸز قۇرىلىس قارقىنى بويىنشا الدىڭعى قاتاردا كەلەدٸ. سوڭعى بەس جىلدا 200 ەلەۋمەتتٸك نىساندى پايدالانۋعا بەردٸك. جالپى اۋدانى 2 ملن. شارشى مەتر تۇرعىن ٷي ەل يگٸلٸگٸنە بەرٸلٸپ, 7 مىڭنان استام قىزىلوردالىقتار قونىس تويىن تويلادى. بيىلعى جىلدان باستاپ تۇرعىن ٷي قۇرىلىسىنىڭ «وردا» جول كارتاسى جٷزەگە اسىرىلاتىن بولادى. وبلىس بويىنشا 1747 پەتەردٸ قۇرايتىن 69 تۇرعىن ٷيدٸڭ قۇرىلىسى, سونىمەن قاتار, سىردارييا ٶزەنٸنٸڭ سول جاق جاعالاۋىن يگەرۋ جۇمىستارى دا قارقىندى جٷرگٸزٸلۋدە»,-دەدٸ ايماق باسشىسى.
قازٸرگٸ تاڭدا, سىردارييا ٶزەنٸنٸڭ سول جاق جاعالاۋىندا جەكە ينۆەستيتسييا ەسەبٸنەن كٶپقاباتتى 18 تۇرعىن ٷيدٸڭ, «بولاشاق» ۋنيۆەرسيتەتٸ كامپۋسىنىڭ, مجك اياسىندا 320 ورىنعا ارنالعان بالاباقشانىڭ قۇرىلىسى جەنە مەملەكەتتٸك بيۋدجەت ەسەبٸنەن جاستارعا قىزمەت كٶرسەتۋ ورتالىعىنىڭ, ەلەكترمەن, گازبەن, سۋمەن جابدىقتاۋ جەنە كەرٸز جٷيەسٸنٸڭ قۇرىلىس جۇمىستارى جٷرگٸزٸلۋدە.
2019-2020 جىلدارى سول جاعالاۋدا تاعى دا بٸرنەشە كٶپقاباتتى ٷيلەر, مەكتەپتەر, وبلىستىق كٶپسالالى اۋرۋحانا, نەكە قييۋ سارايى, بالاباقشا, جاتاقحاناسىمەن بٸرگە فيزيكا-ماتەماتيكالىق مەكتەپ, ساۋدا جەنە ويىن-ساۋىقتىرۋ كەشەنٸنٸڭ قۇرىلىسى جوسپارلانىپ وتىر.
بيىل "نۇرلى جەر" تۇرعىن ٷي قۇرىلىسىنىڭ باعدارلاماسى اياسىندا ايماقتا 69 كٶپ پەتەرلٸ تۇرعىن ٷيدٸڭ قۇرىلىسى جٷرگٸزٸلۋدە. بۇل اۋدانى 123,3 مىڭ شارشى مەتر بولاتىن 1747 پەتەردەن قۇرالادى.
ونىڭ ٸشٸندە 21 ٷي جەكە قۇرىلىس كومپانييالارىنىڭ ەسەبٸنەن سالىنۋدا. بٷگٸنگٸ تاڭدا وبلىس بويىنشا 40 ينجەنەرلٸك ينفراقۇرىلىمدىق جوبا بويىنشا جەلٸ 495 شاقىرىمعا كەڭەيدٸ.
بۇعان قوسا, مەملەكەتتٸك بيۋدجەت ەسەبٸنەن جاعالاۋدى, تٶرت جالعا بەرٸلەتٸن جەنە تٶرت كرەديتتٸك ٷيدٸ, سونداي-اق ۇزىندىعى 5 شاقىرىم اۆتوجولدى جٶندەۋ جۇمىستارى جٷرگٸزٸلۋدە.
جىل باسىنان بەرٸ وبلىستا 41 ەلەۋمەتتٸك نىساننىڭ قۇرىلىسى جٷرگٸزٸلدٸ, ونىڭ 33-ٸ ٶتكەن جىلعى جەنە 8 جاڭا نىسان. ولاردىڭ 20-ى ٸسكە قوسىلدى, جىل سوڭىنا دەيٸن 10 نىسان پايدالانۋعا بەرٸلەدٸ, 2019 جىلى تاعى 11-ٸ اياقتالادى. وسى ماقساتتا رەسپۋبليكالىق جەنە وبلىستىق بيۋدجەتتەن 27,6 ملرد. تەڭگە بٶلٸندٸ.
ايتا كەتەيٸك, سوڭعى 5 جىلدا وبلىستا 200 ەلەۋمەتتٸك نىسان سالىندى.
