بٷگٸن قىزىلوردا وبلىسىندا تاعى ٷش ادام كوروناۆيرۋس جۇقتىرىپ, ولاردىڭ جالپى سانى 5-كە جەتتٸ.
وبلىستىق دەنساۋلىق ساقتاۋ باسقارماسىنىڭ باسشىسى جاقسىلىق ابدۋسامەتوۆ ناۋقاستاردىڭ جاعدايى جايىندا جۋرناليستەرمەن ٶتكەن بريفينگتە ايتىپ بەردٸ, دەپ حابارلايدى "ۇلت اقپارات".
بۇدان بۇرىن اتالعان اۋرۋعا بايلانىستى 2 جاعداي تٸركەلگەن بولاتىن. ەندٸ ولاردىڭ قاتارىنا تاعى ٷشەۋٸ قوسىلىپ وتىر. بٷگٸنگٸ تٸركەلگەن دەرەك لابوراتورييالىق زەرتتەۋلەر ارقىلى ناقتىلاندى.
«بٷگٸن تٸركەلگەن ٷش ناۋقاستىڭ بٸرەۋٸ بۇدان بۇرىنعى ەكٸ ناۋقاسپەن قارىم-قاتىناستا بولعان. قازٸر جاڭاقورعان اۋدانارالىق اۋرۋحاناسىندا ەم قابىلداپ جاتىر. ونىڭ جاعدايى ورتاشا اۋىر دەپ باعالانىپ وتىر. ونىڭ شاعىمى - جالپى ەلسٸزدٸك جەنە دەنە قىزۋىنىڭ كٶتەرٸلۋٸ. ەكٸنشٸ ناۋقاس 20 ناۋرىزدا ناۋقاس اقش-تان كەلگەن. ول 1ۆ ساناتىنا ەنگٸزٸلگەن مەملەكەت بولعاندىقتان ٷي كارانتينٸنە الىنعان ەدٸ. كەشە دەنە قىزۋى كٶتەرٸلدٸ. جۇقپالى اۋرۋلار اۋرۋحاناسىنا جاتقىزىلدى. الىنعان اناليزٸ وڭ نەتيجە كٶرسەتتٸ. ونىڭ جاعدايى قاناعاتتانارلىق, ول دەنە قىزۋىنىڭ كٶتەرٸلۋٸنە شاعىمدانادى. ٷشٸنشٸ ازامات قىزىلوردا قالاسىندا تۇرادى. ونىڭ دەنە قىزۋىنىڭ كٶتەرٸل, ۋلانۋ سيمپتومدارى بايقالىپ, دەنەسٸندە بٶرتپە پايدا بولعان. وبلىستىق جۇقپالى اۋرۋلار اۋرۋحاناسىندا زەرتتەۋ جٷرگٸزٸلٸپ, دياگنوزى ناقتىلاندى. ول وسى ۋاقىتقا دەيٸن قىزىلشا اۋرۋى بويىنشا شاعىمدانعان ەدٸ. جاعدايى ورتاشا اۋىر دەپ باعالاندى. قازٸرگٸ تاڭدا بەكٸتٸلگەن حاتتاماعا سەيكەس, ناۋقاستاردىڭ ەمٸ جٷرگٸزٸلۋدە. قىزىلشامەن اۋىرىپ تٷسكەن ناۋقاستىڭ جاعدايى كەشەگٸ كٷنگە قاراعاندا جاقسارىپ كەلەدٸ», – دەدٸ جاقسىلىق ابدۋسامەتوۆ.
ونىڭ ايتۋىنشا, قىزىلوردا قالاسى مەن وبلىستى كارانيگە جابۋ مەسەلەسٸ قارالۋدا. ناقتى شەشٸم كەيٸن بەلگٸلٸ بولادى.
بۇدان بۇرىن قىزىلوردادا 28 ناۋرىزدا كوروناۆيرۋس جۇقتىرعان العاشقى ادام تٸركەلسە, 29 ناۋرىزدا ول ناۋقاسپەن قارىم-قاتىناستا بولعان مەدبيكەدەن دە سول دياگنوز ناقتىلاندى.
