قىزىلوردا وبلىسىندا كوروناۆيرۋس جايىندا جالعان اقپارات تاراتقان تۇرعىندار انىقتالدى, دەپ حابارلايدى "ۇلت اقپارات".
العاشقى دەرەك ارال اۋدانىندا تٸركەلگەن. وندا بەلگٸسٸز ەيەل WhatsApp جەلٸسٸندەگٸ «كلاستاستار» چاتىنا «كوروناۆيرۋس بەكباۋىلدان شىقتى, ارالعا الىپ كەلٸپ جاتىر» دەپ اۋديوجازبا ارقىلى جالعان حابار تاراتقان.
ەكٸنشٸ دەرەكتە جاڭاقورعاندا بەلگٸسٸز ەيەل WhatsApp جەلٸسٸ ارقىلى «اعايىندار» چاتىنا سىرقاتتانباعان اۋدان تۇرعىنىنىڭ ناقتى اتى-جٶنٸن ايتىپ, ونىڭ كوروناۆيرۋس جۇقتىرعانىن ايتقان. بۇل اۋديوجازبا دا پوليتسييا نازارىنا ٸلٸكتٸ.
«بۇل دەرەكتەر دەرەۋ تەكسەرٸلدٸ. جەدەل ٸزدەستٸرۋ نەتيجەسٸندە مەسسەندجەر ارقىلى جالعان اقپارات تاراتقان تۇرعىندار انىقتالدى. ولاردىڭ بٸرٸ ارال اۋدانىنىڭ 33, ەكٸنشٸسٸ جاڭاقورعان اۋدانىنىڭ 50 جاستاعى تۇرعىندارى ەكەنٸ انىقتالدى. ۇستالعان كٷدٸكتٸلەر ٶز ەرەكەتتەرٸن تولىق مويىنداپ, ٶكٸنەتٸندٸگٸن ايتتى. اتالعان دەرەكتەر بويىنشا قر قىلمىستىق كودەكسٸنٸڭ 274-بابى 4 بٶلٸگٸمەن (تٶتەنشە جاعداي كەزٸندە كٶرٸنەۋ جالعان اقپارات تاراتۋ) سوتقا دەيٸنگٸ تەرگەپ-تەكسەرۋ جۇمىستارى جٷرگٸزٸلٸپ جاتىر», - دەپ مەلٸم ەتتٸ قىزىلوردا وبلىستىق پوليتسييا دەپارتامەنتٸنٸڭ باسپاسٶز قىزمەتٸ.
قازٸرگٸ تاڭدا قىزىلوردا وبلىسىندا كوروناۆيرۋس جۇقتىرعان 25 ادام بار.
