قىزىلوردا ورتالىعىندا كازينو اشقان قالا تۇرعىنىنىڭ 6 اي مەرزٸمگە باس بوستاندىعى شەكتەلدٸ, دەپ حابارلايدى "ۇلت اقپارات" قارجى مونيتورينگٸ كوميتەتٸنٸڭ باسپاسٶز قىزمەتٸنە سٸلتەمە جاساپ.
كوميتەتتٸڭ قىزىلوردا وبلىسى بويىنشا ەكونوميكالىق تەرگەۋ دەپارتامەنتٸ قىزمەتكەرلەرٸ 2020 جىلدىڭ تامىز ايىندا قالانىڭ ورتالىق كٶشەسٸنٸڭ بٸرٸندە زاڭسىز ويىن ورنىن انىقتاعان بولاتىن.
«29 جاستاعى ازامات كٶپقاباتتى تۇرعىن ٷيدٸڭ بٸرٸنشٸ قاباتىنان جالعا العان ورىننان ينتەرنەت كازينو كەڭسەسٸن اشىپ, 13 كومپيۋتەردٸ عالامتور جەلٸسٸ ارقىلى بەس تٸگٸپ وينايتىن قۇمار ويىندار باعدارلاماسىنا قوسقان. ويىن زالىنا كٷنٸنە 5 000 تەڭگە جالاقىمەن كاسسيرلەر مەن كٷزەتشٸ جالداعان. زاڭسىز ويىن ورىنى ەشكەرەلەنٸپ, بارلىق ايقاق ۇسىنىلعاندىقتان ۇيىمداستىرۋشى كٸنەسٸن تولىعىمەن مويىندادى», دەلٸنگەن حابارلامادا.
قىزىلوردا قالالىق №2 سوتى زاڭسىز ويىن ورنىن ۇيىمداستىرۋشىنى قىلمىستىق كودەكستٸڭ 307-بابى 1-بٶلٸگٸمەن كٸنەلٸ دەپ تانىپ, 6 اي مەرزٸمگە باس بوستاندىعىن شەكتەۋ جازاسىن تاعايىندادى. وسىنشا مەرزٸمگە پروباتسييالىق باقىلاۋ جەنە 100 ساعاتتىق مەجبٷرلٸ ەڭبەككە تارتۋ بەلگٸلەندٸ.
2020 جىلى قىزىلوردادا اتالمىش دەپارتامەنت زاڭسىز ويىن بيزنەسٸنە قاتىستى 9 قىلمىستىق قۇقىق بۇزۋشىلىق دەرەگٸن تەرگەدٸ. نەتيجەسٸندە 8 ويىن مەكەمەسٸ جابىلىپ, 116 مونيتور, 109 پروتسەسسور, 43 تەلەۆيزور, 8 كاسسا اپپاراتى, 31 تەرمينال, 13 بەينەجازعىش جەنە 11,2 ملن تەڭگە تەركٸلەندٸ.
