قىزىلوردا وبلىسىندا اتىراۋدان ۆاحتالىق جۇمىستان كەلگەن تاعى بٸر ادامنان كوروناۆيرۋس ينفەكتسيياسى تابىلدى, دەپ حابارلايدى "ۇلت اقپارات".
قازٸر قىزىلوردا وبلىسىندا اتالعان دياگنوز قويىلعان 209 ادام بار. ونىڭ ٸشٸندە 127 ناۋقاس سىرقاتىنان ايىقتى.
«ايتا كەتەرلٸگٸ, سوڭعى تەۋلٸكتە جاڭادان 5 جاعداي ناقتىلاندى. ونىڭ ەكەۋٸ - ٸندەت جۇقتىرعاندارمەن بايلانىستا بولسا, بٸرەۋٸ - اتىراۋ وبلىسىنان ۆاحتالىق ەدٸسپەن جۇمىس ٸستەپ كەلگەن ازامات. ال, قالعان ەكەۋٸ سكرينينگتٸك تەكسەرۋ بارىسىندا بەلگٸلٸ بولدى. قازٸرگٸ تاڭدا ناۋقاستاردىڭ جاعدايى بٸرقالىپتى, حاتتاماعا ساي ەم الىپ جاتىر», – دەيدٸ جاقسىلىق ابدۋسامەتوۆ.
سونداي-اق, كوروناۆيرۋس ينفەكتسيياسىن جۇقتىرعاندارمەن بايلانىستا بولعان 3069 ازامات انىقتالدى. ونىڭ ٸشٸندە 1659-ى - جاقىن قارىم-قاتىناستا, 1410-ى - جاناما بايلانىستا بولعان.
بۇدان بۇرىن دا قىزىلوردادا اتىراۋدان ۆاحتالىق جۇمىستان كەلگەن 3 ادامنان كوروناۆيرۋس ينفەكتسيياسى انىقتالعان بولاتىن.
