قىزىلوردا قالاسىنىڭ №2 سوتىندا وبلىستىڭ بۇرىنعى باسشىسى قۋانىشبەك ىسقاقوۆقا قاتىستى ٷكٸم شىعارىلدى. ونىمەن بٸرگە تاعى تٶرت ادام جاۋاپقا تارتىلدى.
"سوتتالۋشى قۋانىشبەك ىسقاقوۆقا جەتٸ جىلعا باس بوستاندىعىنان ايىرۋ جازاسى بەلگٸلەنسٸن", - دەدٸ سۋديا.
ەكس-ەكٸم جازانى قاۋٸپسٸزدٸگٸ ورتاشا دەڭگەيدەگٸ مەكەمەدە ٶتەيدٸ.
ىسقاقوۆ قىلمىستىق كودەكستٸڭ 190-بابى, 4-بٶلٸمٸنٸڭ 2-تارماعى – قىزمەت بابىن پايدالانىپ, اسا ٸرٸ كٶلەمدە الاياقتىق جاساعانى ٷشٸن كٸنەلٸ دەپ تانىلدى. ونىمەن بٸرگە ەكٸ ورىنباسارى مەن كەسٸپكەرلەر دە سوتتالدى. بۇرىنعى ورىنباسارلارى مۇرات يماندوسوۆ پەن مارات دەلمۇزانوۆ التى جىلعا باس بوستاندىعىنان ايىرىلسا, كەسٸپكەرلەر جەڭٸسبەك ىسقاقوۆ پەن ازات دوسمايىلوۆ بەس جىلىن تٷرمەدە ٶتكٸزەدٸ.
تەرگەۋ ماتەريالدارىنا سەيكەس, قىزىلوردا وبلىسى ەكٸمدٸگٸنٸڭ لاۋازىمدى تۇلعالارى "سىر مەيٸرٸمٸ" قوعامدىق-ەلەۋمەتتٸك قورىنا تيەسٸلٸ 80 ميلليون تەڭگە (190 مىڭ دوللار) كٶلەمٸندەگٸ قاراجاتتى جىمقىرعان. ول اقشا ارىس قالاسىن قالپىنا كەلتٸرۋگە ارنالعان بولاتىن.
ىسقاقوۆ قىزمەت بابىن پايدالانىپ الاياقتىق جاساعان. ال ونىڭ ەكٸ ورىنباسارى مەن ەكٸ كەسٸپكەر بۇل قىلمىستى جاساۋعا كٶمەكتەسكەن.
سوتتا ىسقاقوۆ سوڭعى سٶزٸن ايتقاندا كٸنەسٸن مويىنداعان جوق. ارىس قالاسىنا ارنالعان قاراجاتقا دا, "سىر مەيٸرٸمٸ" قورىنا دا ەش قاتىسىم جوق دەدٸ.
"كۋەلاردىڭ جالعان ايعاقتارى مەن جەبٸرلەنۋشٸ ەبدٸراحيموۆانىڭ جالعان قۇجاتى نەگٸزٸندە ايىپ تاعىلىپ وتىر", - دەپ اتاپ ٶتتٸ ول.
پروكۋراتۋرا ەكس-ەكٸمدٸ سەگٸز جىلعا, ەكٸ ورىنباسارىنىڭ ەرقايسىن جەتٸ جىلعا, ال كەسٸپكەرلەردٸ التى جىلعا باس بوستاندىعىنان ايىرۋدى سۇراعان بولاتىن.
