قىزىلوردا وبلىسى ەكٸمٸ قىزمەتٸنە قۋانىشبەك دوسمايىلۇلى ىسقاقوۆ تاعايىندالدى, دەپ حابارلايدى اقوردا.
«قۋانىشبەك دوسمايىلۇلى ىسقاقوۆ قىزىلوردا وبلىسىنىڭ ەكٸمٸ بولىپ تاعايىندالسىن», - دەلٸنگەن قر پرەزيدەنتٸ قاسىم-جومارت توقاەۆتىڭ جارلىعىندا.
ق. ىسقاقوۆ 1968 جىلى قىزىلوردا قالاسىندا دٷنيەگە كەلگەن. ى.جاقاەۆ اتىنداعى قىزىلوردا اگروٶنەركەسٸپ ٶندٸرٸسٸ ينجەنەرلەرٸ ينستيتۋتىن - ينجەنەر-قۇرىلىسشى, قىزىلوردا پوليتەحنيكالىق ينستيتۋتىن بۋحگالتەر-ەكونوميست, قازاقستاندىق يننوۆاتسييالىق جەنە تەلەكوممۋنيكاتسييالىق جٷيەلەر ۋنيۆەرسيتەتٸن زاڭگەر ماماندىعى بويىنشا تەمامداعان.
1986-1988 جىلدارى اۋعانستاندا كەڭەس جاۋىنگەرلەرٸنٸڭ شەكتەۋلٸ قۇرامىندا ەسكەري بورىشىن ٶتەگەن. كسرو جوعارعى كەڭەسٸ پرەزيديۋمىنىڭ قۇرمەت گراموتاسىمەن ماراپاتتالعان.
ەڭبەك جولىن 1985 جىلى قىزىلوردا جيھاز فابريكاسىندا بٸرٸنشٸ رازريادتى ستانوكشى رەتٸندە باستاعان. 1993-2003 جىلدارى قىزىلوردا وبلىسى بويىنشا سالىق كوميتەتٸندە مامان, ينسپەكتور, سەكتور مەڭگەرۋشٸسٸ, تٶراعا ورىنباسارى قىزمەتتەرٸن اتقارعان. 2003-2011 جىلدارى باتىس قازاقستان وبلىسى بويىنشا سالىق كوميتەتٸ تٶراعاسىنىڭ ورىنباسارى, تٶراعاسى, قىزىلوردا وبلىسى بويىنشا سالىق دەپارتامەنتٸنٸڭ باستىعى, 2011-2015 جىلدارى قىزىلوردا وبلىسى ەكٸمٸنٸڭ بٸرٸنشٸ ورىنباسارى, قىزىلوردا وبلىسىنىڭ قارجى باسقارماسىنىڭ باستىعى, ماڭعىستاۋ وبلىسى بويىنشا سالىق دەپارتامەنتٸنٸڭ باسشىسى, قىزىلوردا قالاسى بويىنشا مەملەكەتتٸك كٸرٸستەر باسقارماسىنىڭ باسشىسى قىزمەتتەرٸن اتقارعان.
2015 جىلدىڭ شٸلدە ايىنان جەلتوقسان ايىنا دەيٸن قىزىلوردا وبلىسى بويىنشا قارجىلىق باقىلاۋ ينسپەكتسيياسىنىڭ باسشىسى لاۋازىمىندا بولدى.2015 جىلدىڭ جەلتوقسان ايىنان باستاپ قىزىلوردا وبلىسى ەكٸمٸنٸڭ ورىنباسارى قىزمەتٸن اتقاردى.
ەستەرٸڭٸزگە سالا كەتەلٸك, بۇعان دەيٸن قىزىلوردا وبلىسى ەكٸمٸ قىزمەتٸن اتقارعان كٶشەرباەۆ قىرىمبەك ەلەۋۇلى پرەزيدەنت ەكٸمشٸلٸگٸنٸڭ باسشىسى بولىپ تاعايىندالدى.
