2018 جىلدىڭ 7 ايىندا قىزىلوردا وبلىسىندا جول-كٶلٸك وقيعالارىنىڭ سانى 7 پايىزعا, جول-كٶلٸك اپاتىنان زارداپ شەككەندەردٸڭ سانى 9 پايىزعا ازايدى. بۇل تۋرالى قۇقىقبۇزۋشىلىقتاردىڭ الدىن الۋ جٶنٸندەگٸ ۆەدومستۆوارالىق كوميسسييانىڭ وتىرىسىندا مەلٸمدەدٸ.
ۆەدومستۆوارالىق كوميسسييانىڭ وتىرىسىندا جول قوزعالىسى قاۋٸپسٸزدٸگٸن قامتاماسىز ەتۋ, مال ۇرلىعىنىڭ الدىن الۋ مەن مال ۇرلىعىمەن كٷرەسۋ مەسەلەلەرٸ قاراستىرىلدى.
جول-كٶلٸك وقيعالارىنىڭ الدىن-الۋ شارالارىنىڭ ماڭىزدىلىعىن ەسكەرە وتىرىپ, بۇل مەسەلە ٷنەمٸ ۆەدومستۆوارالىق كوميسسييانىڭ باقىلاۋىندا بولادى. رەسمي مەلٸمەتتەرگە سەيكەس, قازاقستاندا سوڭعى 10 جىل ٸشٸندە 162 مىڭنان استام جول-كٶلٸك وقيعاسى تٸركەلدٸ, وندا 27 مىڭنان استام ادام قازا بولىپ, 211 مىڭنان استام ادام جاراقات الدى.
«اعىمداعى جىلدىڭ 7 ايىندا ايماقتا جول-كٶلٸك وقيعالارى كەزٸندە زارداپ شەككەندەردٸڭ سانى 9 پايىزعا, جازاتايىم وقيعالاردىڭ سانى 25 پايىزعا ازايعان. دەگەنمەن, جالپى وڭ ديناميكاعا قاراماستان, كەيبٸر ٶڭٸرلەردە جەنە ەلدٸمەكەندەردە جازاتايىم وقيعالار سانى ارتىپ وتىر», - دەدٸ ايماق باسشىسى.
وسىعان بايلانىستى وبلىس ەكٸمٸ جەرگٸلٸكتٸ پوليتسييا قىزمەتٸنە وبلىستىڭ ەلدٸمەكەندەرٸندەگٸ جازاتايىم وقيعالاردىڭ سەبەپتەرٸن انىقتاپ تالداۋدى, جولدى كەسٸپ ٶتۋ كەزٸندە مەكتەپ وقۋشىلارىنىڭ قاۋٸپسٸزدٸگٸن قامتاماسىز ەتۋ جۇمىستارىن كٷشەيتۋدٸ, جٷرگٸزۋشٸلەر مەن جاياۋ جٷرگٸنشٸلەردٸڭ جول قوزعالىسى ەرەجەلەرٸن ساقتاۋى بويىنشا ۆيزۋالدى جەنە تٷسٸندٸرۋ جۇمىستارىن جٷرگٸزۋدٸ تاپسىردى.
سونىمەن قاتار, وتىرىستا مال ۇرلىعىنىڭ الدىن الۋ جەنە مال ۇرلىعىمەن كٷرەس جٶنٸندەگٸ شارالار قارالدى. اتقارىلىپ جاتقان جۇمىستار جايلى قىزىلوردا وبلىسى ٸشكٸ ٸستەر دەپارتامەنتٸ باستىعىنىڭ ورىنباسارى عاني تٶلەباەۆ باياندادى. مەسەلەن, اعىمداعى جىلدىڭ 7 ايى ٸشٸندە 297 ۇرلىق دەرەگٸ تٸركەلگەن (2017 جىلى - 379), ياعني ٶتكەن جىلمەن سالىستىرعاندا قىلمىس دەڭگەيٸ 21,6%-عا تٶمەندەدٸ, ال قىلمىستاردى انىقتاۋ دەڭگەيٸ 28,6-دان 47,6% -عا, ياعني 19 پايىزعا دەيٸن ارتتى.
ايماق باسشىسى اتاپ ٶتكەندەي, بۇل مەسەلە العاش رەت 2015 جىلدىڭ باسىندا كوميسسييا وتىرىسىندا قارالىپ, سول كەزدەن باستاپ ۇرلىق سانى جىل سايىن تٶمەندەۋدە (2014 جىلى - 783, 2015 جىلى - 848, 2016 جىلى - 667, 2017 جىلى - 615, 2018 جىلدىڭ 7 ايى - 297). دەگەنمەن, قىلمىسقا قارسى كٷرەس قارقىنىن تٶمەندەتۋگە بولمايدى, دەپ اتاپ ٶتتٸ وبلىس باسشىسى.
«مال ۇرلاۋدىڭ نەگٸزگٸ سەبەپتەرٸ - مالعا قاداعالاۋدىڭ جەتٸسپەۋشٸلٸگٸ, قۇجاتتارى تەكسەرٸلمەگەن ارزان ەت نٷكتەلەرٸنٸڭ بولۋى جەنە ەت ساتاتىن ساۋدا نٷكتەلەرٸنە باقىلاۋدىڭ جوقتىعى. مال جايىلىمىنا جۇمىسسىز اۋىل تۇرعىندارى تارتىلسا, ۇرلىقتىڭ الدىن-الۋعا جەنە قىلمىستاردى ازايتۋعا مٷمكٸندٸك بەرەدٸ. مىسالى, ن.بەكەجانوۆ اۋىلدىق وكرۋگٸندە سوڭعى 3-4 جىل ٸشٸندە مال ۇرلىعى تۋرالى بٸردە-بٸر دەرەك تٸركەلمەگەن», - دەدٸ عاني تٶلەباەۆ.
ن.بەكەجانوۆ اۋىلدىق وكرۋگٸنٸڭ ەكٸمٸ فايزۋللا ەرجانوۆ مال جايىلىمىن تيٸمدٸ ۇيىمداستىرا بٸلگەنٸ ٷشٸن وبلىس ەكٸمٸنٸڭ العىس حاتىمەن ماراپاتتالدى, ەرجانوۆتىڭ مال ۇرلىعىنا قارسى كٷرەستەگٸ تەجٸريبەسٸ باسقا ەلدٸمەكەندەردە قولدانىلماقشى.
