24.kz
قىزىلوردا وبلىسى قارماقشى اۋدانىنىڭ تۇرعىنى سالتانات ۇزاقباي سالماعى 6,5 كەلٸ بولاتىن نەرەستە دٷنيەگە ەكەلدٸ. بۇل – ٶڭٸر بويىنشا تٸركەلگەن ورتاشا كٶرسەتكٸشتەن ەكٸ ەسەگە جۋىق ارتىق, دەپ حابارلايدى Ult.kz 24.kz-كە سٸلتەمە جاساپ.
دەرٸگەرلەردٸڭ ايتۋىنشا, بوسانۋ ٷدەرٸسٸ كٷردەلٸ ٶتتٸ. نەرەستەگە العاشقى كەزەڭدە رەانيماتسييالىق كٶمەك كٶرسەتٸلٸپ, قوسىمشا ەم تاعايىندالعان. قازٸرگٸ ۋاقىتتا بالانىڭ جاعدايىن وبلىستىق كٶپسالالى اۋرۋحانانىڭ پەريناتالدىق بٶلٸمٸنٸڭ ماماندارى باقىلاۋدا ۇستاپ وتىر. انا مەن بالانىڭ ٶمٸرٸنە قاۋٸپ تٶنٸپ تۇرعان جوق. سەبيگە قۋانىشبەك دەگەن ەسٸم بەرٸلدٸ.
"باستاپقىدا مەنٸ پاتولوگييا بٶلٸمشەسٸنە جاتقىزدى. ۋلترادىبىستىق زەرتتەۋ بارىسىندا سەبيدٸڭ ٸرٸ ەكەنٸ انىقتالدى. دەرٸگەرلەر كەسار تٸلٸگٸن جاساۋ تۋرالى شەشٸم قابىلدادى. وتا سەتتٸ ٶتتٸ, جاعدايىمىز جاقسى", – دەدٸ سالتانات ۇزاقباي.
اكۋشەرلٸك بٶلٸم مەڭگەرۋشٸسٸ ارمان ەرانوۆا بولسا, بالانىڭ ەرٸ قاراي قارقىندى تەراپييا بٶلٸمٸندە ەم الاتىنىن ايتتى.
"قازٸر انا مەن بالانىڭ جاعدايى قاناعاتتانارلىق. بۇعان دەيٸن دە سالماعى التى جەنە ودان دا كٶپ كەلٸ بولاتىن سەبيلەر دٷنيەگە كەلگەن جاعدايلار بولدى. بۇل – اتا-انانىڭ تۇقىم قۋالاۋشىلىعى مەن فيزيولوگييالىق ەرەكشەلٸكتەرٸنە بايلانىستى", – دەدٸ ول.
