قىزىلوردا وبلىسى ارال اۋدانىندا قورادا جينالىپ تۇرعان 3000 باۋ شٶپ ٶرتەنٸپ كەتتٸ, دەپ حابارلايدى قازاقپارات.
وقيعا 24 تامىزدا جەرگٸلٸكتٸ ۋاقىتپەن 02.24-تە ارال اۋدانىنا قاراستى اقباي ەلدٸ مەكەنٸندە بولدى. سول ۋاقىتتا تٷسكەن حابار بويىنشا جاقىن اۋماقتاعى قازالى اۋدانىنان 5 قىزمەتكەر 1 تەحنيكامەن جولعا شىقتى. ارا قاشىقتىق - 30 شاقىرىم.
«وقيعا ورنىنا جەتكەندە ٷيدٸڭ اۋلاسىندا جالپى كٶلەمٸ 15×15 مەتر بولاتىن قاڭىلتىرمەن قورشالاعان مال قوراسى تولىعىمەن جانىپ جاتقانى انىقتالدى. قورا ٸشٸندە 1 000 باۋ جوڭىشقا جەنە 2 000 باۋ پٸشەن شٶبٸ ٶرتەنگەن. سالدارىنان 1 بۇزاۋ مەن 2 قوزى ٶرتەنٸپ كەتتٸ. كٶمەككە ەرٸكتٸ ٶرتكە قارسى قۇرىلىمىنان 10 ادام كەلدٸ. تٸلسٸز جاۋ اۋىزدىقتالىپ, ٶرتتٸڭ شىعۋ سەبەبٸ مەن شىعىنى انىقتالىپ جاتىر», - دەدٸ قىزىلوردا وبلىستىق تٶتەنشە جاعدايلار دەپارتامەنتٸ ٶرت سٶندٸرۋ جەنە اۆارييالىق-قۇتقارۋ جۇمىستارى قىزمەتٸنٸڭ باسپاسٶز حاتشىسى ەلييا ەرەجەپوۆا.
