Qyzylorda oblysy Aral aýdanynda qorada jinalyp turǵan 3000 baý shóp órtenip ketti, dep habarlaidy QazAqparat.
Oqiǵa 24 tamyzda jergilikti ýaqytpen 02.24-te Aral aýdanyna qarasty Aqbai eldi mekeninde boldy. Sol ýaqytta túsken habar boiynsha jaqyn aýmaqtaǵy Qazaly aýdanynan 5 qyzmetker 1 tehnikamen jolǵa shyqty. Ara qashyqtyq - 30 shaqyrym.
«Oqiǵa ornyna jetkende úidiń aýlasynda jalpy kólemi 15×15 metr bolatyn qańyltyrmen qorshalaǵan mal qorasy tolyǵymen janyp jatqany anyqtaldy. Qora ishinde 1 000 baý jońyshqa jáne 2 000 baý pishen shóbi órtengen. Saldarynan 1 buzaý men 2 qozy órtenip ketti. Kómekke erikti órtke qarsy qurylymynan 10 adam keldi. Tilsiz jaý aýyzdyqtalyp, órttiń shyǵý sebebi men shyǵyny anyqtalyp jatyr», - dedi Qyzylorda oblystyq Tótenshe jaǵdailar departamenti Órt sóndirý jáne avariialyq-qutqarý jumystary qyzmetiniń baspasóz hatshysy Áliia Erejepova.
