فوتو جۋرناليست گٷلميرا ەبٸقايدىڭ Facebook ەلەۋمەتتٸك جەلٸسٸندەگٸ جەكە پاراقشاسىنان الىنعان
قىزىلوردا وبلىسى سىردارييا اۋدانىندا 5 بالا ەكٸ ايعا جۋىق ۋاقىت بويى اناسىنىڭ كەسٸرٸنەن جان باعىپ ٶمٸر سٷرٸپ جاتىر. ەيەل بالالاردى ەكەسٸنە تاستاپ, جاقسى ٶمٸر سٷرگٸسٸ كەلٸپ, وبلىس ورتالىعىنا كەتٸپ قالعان. سونىمەن قاتار, ول بالالاردىڭ جەردەماقىسى مەن 10 جاستاعى ۇلىنىڭ مٷگەدەكتٸگٸنە بايلانىستى زەينەتاقىسى تٷسەتٸن بارلىق كارتاسىن الىپ كەتكەن, - دەپ حابارلايدى Tengrinews.kz تٸلشٸسٸ.
بۇل تۋرالى ونىڭ جۇبايى قايسار بالمانوۆ ايتىپ بەردٸ. ەر ادامنىڭ ايتۋىنشا, ەيەلٸ 31 جاستا, ول ٸشٸمدٸك پەن تەمەكٸگە تەۋەلدٸ بولعان.
"بەس بالامنىڭ اناسى تۋرالى بۇلاي ايتۋ وڭاي ەمەس, بٸراق جاعداي سولاي. بٸر جىلعا جۋىق ۋاقىت ٸشٸندە ول قاتتى ٶزگەرٸپ كەتتٸ. ٸشٸپ-شەگە باستادى, ٷيدەن كەتٸپ قالا بەردٸ. ٶزٸمەن بٸرگە كارتالاردى الىپ كەتەدٸ. وندا بالالاردىڭ جەردەماقىسى, ورتانشى ۇلىمىزدىڭ مٷگەدەكتٸگٸنە بايلانىستى زەينەتاقىسى تٷسەدٸ. شامامەن 200 مىڭ تەڭگە. بۇعان دەيٸن ول 10 كٷنگە كەتٸپ قالدى, بٸراق كەيٸن ٶزٸ كەلٸپ, 2 كٷن ٷيدە بولدى. كەيٸن قايتا قاشىپ كەتتٸ. ەكٸ ايدان اسا ۋاقىتتان بەرٸ ەشقانداي حابار جوق", - دەيدٸ ول.
50 جاستاعى قايسار بالمانوۆ جۇمىسقا شىعا المايدى, ٶيتكەنٸ بارلىق ۋاقىتى بالا تەربيەسٸنە كەتەدٸ. ٶزٸنٸڭ ايتۋىنشا, بۇرىن ول مەحانيزاتور, كٷرٸش ٶسٸرۋشٸ بولىپ جۇمىس ٸستەگەن. قازٸر ٷي شارۋاسىمەن اينالىسادى.
"5 بالامىز بار. ٷلكەن قىزىمىز 12 جاستا, ول نۇر-سۇلتانداعى مەكتەپ-ليتسەيدە وقيدى. ەجەسٸمەن تۇرادى. ال ەڭ كٸشٸسٸ 4 جاستا. قازٸر قولىمدا 4 كٸشكەنتاي بالا بار. ۋاقىتىم تاعام ەزٸرلەۋگە, ٷي جيناۋعا, ٷلكەندەرٸن مەكتەپكە, كٸشٸلەرٸن بالاباقشاعا جٸبەرۋگە كەتەدٸ. سونىمەن قاتار, 10 جاستاعى ۇلىمىز كٸشكەنتايىنان مٷگەدەك, تسەرەبرالدى سال اۋرۋىنا شالدىققان. ونى بٸر مينۋتقا دا قالدىرا المايمىن, ٶيتكەنٸ سٶيلەمەيدٸ, ٶزدٸگٸنەن ەشتەڭە ٸستەي المايدى. جەرگٸلٸكتٸ ەكٸمدٸك ازىق-تٷلٸكپەن قامتاماسىز ەتٸپ وتىر, ال مەكتەپ بالالارىما تەگٸن تاماق بەرەدٸ. ەيتپەسە باياعىدا اشتىققا ۇشىرايتىن شىعارمىز", - دەپ قوستى ول.
ەر ادام ەشتەڭەگە شاعىمدانبايدى, تەك قۇزىرەتتٸ ورگانداردان مٷگەدەكتٸك بويىنشا زەينەتاقى مەن بالالاردىڭ جەردەماقىسىن ٶز اتىنا رەسٸمدەۋٸن سۇرايدى.
"بۇل اقشا قالىپتى ٶمٸر سٷرۋٸمٸزگە جەتەدٸ. تۇرعىن ٷيٸمٸز بار, 2 بٶلمەلٸ ٷيدە تۇرامىز. ەزٸرگە بالالار كٸشكەنتاي, سييامىز", - دەيدٸ بالمانوۆ.
سىردارييا اۋداندىق ەكٸمدٸگٸ ٶكٸلٸ بۇل وتباسى ٷنەمٸ اۋىل ەكٸمشٸلٸگٸنٸڭ باقىلاۋىندا ەكەنٸن اتاپ ٶتتٸ.
"2021 جىلعى سەۋٸر مەن مامىردا ولارعا ازىق-تٷلٸك بەرٸلدٸ, ال قاراشادا اۋىل كەسٸپكەرٸنٸڭ دەمەۋشٸلٸگٸمەن ەكٸ توننا كٶمٸر بەرٸلدٸ. جاڭا جىل قارساڭىندا بالالارعا مەرەكەلٸك سىيلىقتار بەرٸلدٸ", - دەپ اتاپ ٶتتٸ اۋداندىق ەكٸمدٸكتٸڭ باسپاسٶز قىزمەتٸ ٶكٸلٸ.
اۋداندىق بٸلٸم بٶلٸمٸ قىزمەتكەرٸ اۋدان ەكٸمدٸگٸ جانىنداعى كەمەلەتكە تولماعانداردىڭ ٸستەرٸ جٶنٸندەگٸ كوميسسييانىڭ قاراۋىنا بالالاردىڭ اناسىن اتا-انا قۇقىعىنان شەكتەۋ تۋرالى ۇسىنىس تٷسكەنٸن ايتتى.
"وسىدان كەيٸن عانا بالالاردىڭ جەردەماقىسىن, مٷگەدەكتٸگٸ بويىنشا زەينەتاقىنى قايسار بالمانوۆتىڭ اتىنا رەسٸمدەي الامىز", - دەپ اتاپ ٶتتٸ اۋداندىق بٸلٸم بٶلٸمٸنٸڭ ەدٸسكەرٸ گٷلجانات قاسىموۆا.
