فوتو: اشىق دەرەككٶز
قىزىلوردا وبلىسى جاڭاقورعان اۋداندىق سوتى 200 ملن تەڭگەدەن استام بيۋدجەت قاراجاتىن جىمقىرعان 9 ادامعا قاتىستى ٷكٸم شىعاردى.
بۇل بويىنشا قر قىلمىستىق كودەكسٸنٸڭ 189-بابى 4-بٶلٸگٸ 2-تارماعىمەن ٸس قوزعالعان ەدٸ. وندا «جاڭاقورعان اۋدانىنىڭ بٸلٸم بٶلٸمٸ» كمم-نٸڭ باسشىسى, بٶلٸمنٸڭ باس ەسەپشٸسٸ جەنە 6 مەكتەپ ەسەپشٸسٸنە, 1 باس ەكونوميستكە قاتىستى قىلمىستىق ٸس قارالدى.
«سوتتالۋشىلار ٶزدەرٸنٸڭ قىزمەت بابىن پايدالانىپ, 2018 جىلدىڭ قاڭتار-جەلتوقسان ايلارى ارالىعىندا بٸلٸم بٶلٸمٸنەن 6 ەسەپشٸ مەن 1 ەكونوميستٸڭ كٶمەكتەسۋٸ ارقىلى جالپى سوماسى 192097670 تەڭگە مەملەكەتتٸك بيۋدجەت قاراجاتىن اسا ٸرٸ مٶلشەردە بٸرنەشە رەت جىمقىرعان. سوتتالۋشىلار بٶلٸم باسشىسى ي. مەن باس ەسەپشٸ ج. بٸلٸم بٶلٸمٸ ەسەپشٸلەرٸنٸڭ بانكومات كارتاسىنا اي سايىن ەڭبەكاقى تٶلەمٸ, ەڭبەككە جارامسىزدىق پەن ٸسساپار شىعىنى ەرەكشەلٸكتەرٸ بويىنشا ارتىق جەنە زاڭسىز قاراجاتتى اۋدارىپ وتىرعان. ونى قولما-قول اقشاعا اينالدىرىپ, ٶزدەرٸنە الىپ كەلۋدٸ تاپسىرعان. وسىلايشا بٸرلەسٸپ قىلمىس جاساۋعا الدىن-الا كەلٸسٸمٸن العان. ٶز كەزەگٸندە ج. ەسەپشٸلەر مەن ولاردىڭ جاقىن تۋىستارىنا, مەكتەپتەردٸڭ باسقا دا قىزمەتكەرلەرٸنٸڭ بانكتٸك كارت-شوتىنا زاڭسىز اقشا اۋدارعان. اتالعان قاراجات ەسەپشٸلەر ارقىلى ەكٸنشٸ دەڭگەيلٸك بانك بانكوماتتارى ارقىلى قولما-قول اقشامەن ج.-عا تابىس ەتٸلگەن. كەيٸنننەن ول ي.-عا جەتكٸزٸلگەن», - دەپ مەلٸم ەتتٸ جاڭاقورعان اۋداندىق سوتىنان.
سوت تالقىلاۋى بارىسىندا مەملەكەتتٸك ايىپتاۋشى بٸلٸم بەرۋ جٷيەسٸندە جۇمىس ٸستەمەيتٸن تۇلعالاردىڭ ەسەپشوتىنا زاڭسىز اقشا اۋدارىلعانىن دەلەلدەدٸ.
قىلمىستىق ٸس بويىنشا نەگٸزگٸ ايىپتالۋشىلار 9 جەنە 8 جىلعا باس بوستاندىعىنان ايىرىلسا, قالعان 7-ٸ سىبايلاس بۋحگالتەرلٸك قىزمەتپەن اينالىسۋ قۇقىعىنان ايىرا وتىرىپ, شارتتى تٷردە سوتتالدى.
ەسكە سالساق, بۇدان بۇرىن قىزىلوردا وبلىسىندا ازاماتتاردىڭ 35 ملن تەڭگەسٸن الداپ العاندار ۇستالدى.
