بٷگٸن قازاق ۇلتتىق قىزدار پەداگوگيكالىق ۋنيۆەرسيتەتٸنٸڭ قۇرىلعانىنا 75 جىل تولدى, دەپ حابارلايدى "ۇلت اقپارات".
«ٸرگەلٸ بٸلٸم ورداسى وسىدان 75 جىل بۇرىن, ياعني 1944 جىلعى 15 تامىزدا قازكسر حالىق كوميسسارلار كەڭەسٸنٸڭ قازاق قىزدارىنان جوعارى دەرەجەلٸ ماماندار دايارلاۋ تۋرالى №457 قاۋلىسى نەگٸزٸندە ينستيتۋت بولىپ اشىلدى.
سول جىلدىڭ قىركٷيەك ايىندا ينستيتۋتتا فيزيكا-ماتەماتيكا, تٸل-ەدەبيەت جەنە تاريح فاكۋلتەتتەرٸ اشىلىپ, 100 ستۋدەنت وقۋعا قابىلداندى. 1944 جىلى ينستيتۋتتىڭ ٷش فاكۋلتەتٸندە قىزمەت ەتكەن ەڭ العاشقى 20 وقىتۋشىنىڭ بەسەۋٸ عىلىم كانديداتى, سەگٸزٸ اعا وقىتۋشى جەنە جەتەۋٸ وقىتۋشى بولدى. ەلٸمٸزدٸڭ شالعاي اۋداندارىنداعى قىز بالالارىن جوعارى بٸلٸم الۋعا تارتۋ, ولاردى رۋحاني بيٸك, پاراساتتى, بٸلٸكتٸ ماماندار ەتٸپ تەربيەلەۋ ارقىلى ەلەۋمەتتٸك مەسەلەلەردٸ شەشۋ ماقساتىمەن اشىلعان بٸلٸم ۇياسىنىڭ بۇل كەزەڭٸ ەل تاريحىنىڭ ەلەۋلٸ, قيىن دا سۇراپىل ەكٸنشٸ دٷنيەجٷزٸلٸك سوعىس كەزٸمەن تۇسپا-تۇس كەلدٸ», - دەدٸ وقۋ ورنىنىڭ رەسمي ٶكٸلٸ – باسپاسٶز قىزمەتٸنٸڭ جەتەكشٸسٸ جاندار اسان.
قارا شاڭىراقتىڭ اشىلۋىنا قانىش سەتباەۆ, مۇحتار ەۋەزوۆ, سەبيت مۇقانوۆ, عابيت مٷسٸرەپوۆ, ٸليياس وماروۆ, جۇماباي شاياحمەتوۆ, نۇرتاس وڭداسىنوۆ, ەلكەي مارعۇلان, نىعمەت ساۋرانباەۆ, قاجىم جۇماليەۆ, احمەت جۇبانوۆ سىندى ۇلتىمىزدىڭ داڭقتى پەرزەنتتەرٸ ٷلكەن قولداۋ كٶرسەتٸپ, «تەڭٸر جازسا بۇل ينستيتۋت قازٸرگٸ جەنە بولاشاقتاعى قازاق قىزدارىنىڭ ٷلكەن شامشىراعى بولادى. وسى شامشىراقتىڭ جارىق سەۋلەسٸ ەشقاشان سٶنبەسٸن» دەگەن اقجولتاي تٸلەگٸن بٸلدٸرگەن.
ەلٸمٸزدٸڭ دامۋىنا زور ٷلەس قوسىپ كەلە جاتقان وقۋ ورنى بٷگٸندە قازاقستاننىڭ جوعارى بٸلٸكتٸ كادرلار دايارلايتىن نەگٸزگٸ ورتالىعىنىڭ بٸرٸنە اينالىپ وتىر. ەلٸمٸزدەگٸ بٸلٸكتٸ ماماندار مەن تالانتتى عالىمداردىڭ, دارىندى ۇستازداردىڭ ٷلكەن توبى وسى كيەلٸ شاڭىراقتان شىڭدالىپ شىعىپ, وتانىمىزدىڭ ٶسٸپ-ٶركەندەۋٸ جولىندا جەمٸستٸ ەڭبەك ەتٸپ جاتىر. ۋنيۆەرسيتەتتٸڭ 75 جىلدىق تٶل تاريحىندا وقۋ ورنىن 60 مىڭنان استام تٷلەك بٸتٸردٸ.
«نۇرسۇلتان نازارباەۆ ۋنيۆەرسيتەتكە كەلگەن ساپارىندا: «بٸر قىزدى تەربيەلەۋ – بٸر ۇلتتى تەربيەلەۋمەن بٸردەي» دەپ اتاپ ٶتكەن بولاتىن. قازاق ۇلتتىق قىزدار پەداگوگيكالىق ۋنيۆەرسيتەتٸنٸڭ باستى ماقساتى – بٸلٸكتٸ, جوعارى مورالدٸ جەنە كەسٸبي قاسيەتتەردٸ يەلەنگەن تۇلعالار دايارلاۋ. وردالى وقۋ ورنىنىڭ ۇجىمى بٷگٸندە وسى قۇندىلىقتارعا سٷيەنە وتىرىپ جۇمىس جاساۋدا», – دەدٸ جاندار اسان.
