ۋكراينانىڭ پولتاۆا قالاسىندا 19 جاستاعى قىز مەكتەپكە باسا-كٶكتەپ كٸرٸپ, مۇعالٸمدەرگە اربالەتپەن وق جاۋدىرعان, دەپ حابارلادى Sputnik قازاقستان ۋكراينا.رۋ پورتالىنا سٸلتەمە جاساپ.
رەسمي مەلٸمەتكە سەيكەس, بۇل وقيعا بٷگٸن ساعات 11:00-دە №11 ورتا مەكتەپتە بولعان. ەكٸ پەداگوگ جاراقات الدى. قايتىس بولعاندار جوق. اربالەت اسىنىپ كەلگەن قىز ۇستالدى.
قىز شاشىن جاسىل تٷسكە بوياپ تاستاعان. ال ەكٸ قولى كەسٸلگەن. پوليتسەيلەر ونىڭ وسى مەكتەپتە تٶرتٸنشٸ سىنىپقا دەيٸن وقىعانىن انىقتادى. وقۋشى قىزدىڭ ون جىلدان كەيٸن بۇنداي ەرەكەتكە نە سەبەپتٸ بارعانى ەزٸرشە بەلگٸسٸز.
قازٸرگٸ كەزدە ادام ٶلتٸرۋگە وقتالۋ ەرەكەتٸ بويىنشا قىلمىستىق ٸس قوزعالدى.
ەسكە سالا كەتەيٸك, وسىعان ۇقساس وقيعا وسى جىلدىڭ 11 مامىرىندا رەسەيدٸڭ قازان قالاسىندا بولعان ەدٸ. 19 جاستاعى يلناز گالياۆيەۆ ٶزٸ بٸتٸرگەن №175 گيمنازييادا جارىلىس جاساپ, وق جاۋدىردى. جەتٸ وقۋشى مەن ەكٸ مۇعالٸم كٶز جۇمدى. تاعى 24 ادام جاراقات الدى.
