Ýkrainanyń Poltava qalasynda 19 jastaǵy qyz mektepke basa-kóktep kirip, muǵalimderge arbaletpen oq jaýdyrǵan, dep habarlady Sputnik Qazaqstan Ýkraina.rý portalyna silteme jasap.
Resmi málimetke sáikes, bul oqiǵa búgin saǵat 11:00-de №11 orta mektepte bolǵan. Eki pedagog jaraqat aldy. Qaitys bolǵandar joq. Arbalet asynyp kelgen qyz ustaldy.
Qyz shashyn jasyl túske boiap tastaǵan. Al eki qoly kesilgen. Politseiler onyń osy mektepte tórtinshi synypqa deiin oqyǵanyn anyqtady. Oqýshy qyzdyń on jyldan keiin bundai áreketke ne sebepti barǵany ázirshe belgisiz.
Qazirgi kezde adam óltirýge oqtalý áreketi boiynsha qylmystyq is qozǵaldy.
Eske sala keteiik, osyǵan uqsas oqiǵa osy jyldyń 11 mamyrynda Reseidiń Qazan qalasynda bolǵan edi. 19 jastaǵy Ilnaz Galiaviev ózi bitirgen №175 gimnaziiada jarylys jasap, oq jaýdyrdy. Jeti oqýshy men eki muǵalim kóz jumdy. Taǵy 24 adam jaraqat aldy.
