8 مامىر كٷنٸ جولعا شىققان سەرٸك زەينەلۇلى بۇل الىس ساپار بارىسىن اۋزىنا بٸر تٷيٸر دە نان سالماي, تەك سۋ ٸشٸپ قانا جٷرٸپ ٶتۋدٸ ماقسات ەتكەن. ايتا كەتەرلٸگٸ, مارافونشىنىڭ تاماق ٸشپەگەنٸن دەلەلدەۋ ٷشٸن بويىنا ارنايى اپپارات تاعىلىپ, كامەرا ورناتىلعان. دەنساۋلىعىن قاداعالاپ وتىرۋ ٷشٸن ٸنٸسٸ ارنايى كوماندا جاساقتاعان.
ول العاشقى 29 كٷندە 1019 كيلومەتر جول باسىپ, ەلەمدٸك رەكورد سەرتيفيكات اگەنتتٸگٸنٸڭ (World Record Certification Agency) «تاماق ٸشپەي ەڭ ۇزاق جاياۋ جٷرگەن سپورتشى» دەگەن سەرتيفيكاتىن ەنشٸلەدٸ (Farthest distance walked while fasting). مۇنىمەن توقتاماعان سەرٸك زەينەلۇلى تاماق ٸشپەستەن تاعى 4 مىڭعا جۋىق شاقىرىمدى ارتقا تاستاپ, بٷگٸن شانحاي قالاسىنا ات باسىن تٸرەدٸ.
3 ايدان استام اسقازانىنا دەم سالماعان قانداسىمىز بٷگٸننەن باستاپ تاماقتانۋدى باستايدى دەپ وتىر. بۇل تۋرالى ول «Tiك-Tok» ەلەۋمەتتٸك جەلٸسٸندە تٸكەلەي ەفيردە مەلٸم ەتتٸ.
«مەنٸ قولداپ قۋاتتاعان بارلىقتارىڭىزعا كٶپ راحمەت! قازٸر مەنٸڭ دەنساۋلىعىم ەرەكشە جاقسى. «باتالى قۇل ارىماس, باتاسىز قۇل جارىماس» دەيدٸ. مەن اتتانعاننان بەرٸ ەلەۋمەتتٸك جەلٸلەردە قانشاما اتا-اپالارىمىز, تٸپتٸ كٸشكەنتاي بالالار تٸلەۋٸمدٸ تٸلەپ, باتاسىن بەرٸپ جاتتى. العاش ساپارعا اتتاناردا جەرگٸلٸكتٸ مەملەكەتتٸك ورگاندارعا جوسپارىمىزدى ايتتىق. الايدا ولار تاماق ٸشپەي بۇلاي ۇزاق جٷرۋ ادام ٶمٸرٸنە ەرەكشە قاۋٸپتٸ ەكەنٸن ايتىپ, بٸزدٸ قولداماعان ەدٸ. ەيتسە دە, بٸز ٶز كوماندامىزدى جاساقتاپ, جولعا اتتانىپ كەتتٸك. باستى ماقساتىم - ادام بالاسىنىڭ ەرەكشە مٷمكٸندٸگٸن دەلەلدەۋ, قاتاڭ تالاپ قويىپ, ٶزٸن جەڭە بٸلگەن ادامنىڭ المايتىن بيٸگٸ جوق ەكەنٸن بٷكٸل ەلەمگە پاش ەتۋ», - دەيدٸ سپورتشى.
سەرٸك زەينەلۇلى 1- 980 جىلعى شىڭجاڭنىڭ ٸلە-قازاق اۆتونومييالى وبلىسىنىڭ تۋماسى. جاس كەزٸندە سپورتپەن اينالىسقان. قازٸر - جەكە كەسٸپكەر.
