قازاقستاننان قىتايعا باراتىن پويىز, اۆتوبۋس پەن ۇشاقتاردىڭ ۋاقىتشا توقتاعانى بەلگٸلٸ. وسى رەتتە قر ييدم ازاماتتىق اۆياتسييا كوميتەتٸنٸڭ تٶراعاسى تالعات لاستاەۆ پەن كٶلٸك كوميتەتٸنٸڭ تٶراعاسى سامات عىلىموۆ جولاۋشىلارعا بيلەت قۇنى قالاي قايتارىلاتىنىن تٷسٸندٸرٸپ بەردٸ, دەپ حابارلايدى قازاقپارات.
قر ييدم كٶلٸك كوميتەتٸنٸڭ تٶراعاسى سامات عىلىموۆتىڭ ايتۋىنشا, پويىز بەن اۆتوبۋسقا الىنعان بيلەتتەردٸڭ قۇنى تولىعىمەن يەسٸنە قايتارىلادى.
«نۇر-سۇلتان-ٷرٸمجٸ مەن الماتى-ٷرٸمجٸ باعىتىنداعى پويىزدار اقتوعاي ستانساسىندا بٸر پويىز بولىپ بٸرٸگٸپ, ارى قاراي ٷرٸمجٸگە باعىت الاتىن. ول جاققا بيلەت العانداردىڭ كٶبٸ دوستىق ستانساسىنان تٷسٸپ قالادى. انىقتاعانىمىزداي, دوستىقتان ارى قاراي ٷرٸمجٸگە دەيٸن 22 بيلەت الىنعان ەكەن. وسى 22 ادامنىڭ ٸشٸندە 8-ٸ بيلەتتٸ قايتارعان. قالعان 14 ادامعا وپەراتورلار حابارلاسىپ, پويىزدىڭ جٷرمەيتٸنٸن, بيلەت قۇنىن الىپ كەتۋٸ كەرەكتٸگٸن ايتىپ جاتىر», - دەدٸ سامات عىلىموۆ.
ال ازاماتتىق اۆياتسييا كوميتەتٸنٸڭ تٶراعاسى تالعات لاستاەۆتىڭ ايتۋىنشا, ەۋە بيلەتتەرٸنٸڭ دە تولىق قۇنى يەلەرٸنە قايتارىلادى. 3 اقپاننان باستاپ اتالعان رەيستەرگە بيلەت العاندار ونى ساتىپ العان جەرلەرٸنە قايتارا الادى. بيلەتتەر ٷشٸن اقشا ايىپپۇلسىز رەسٸمدەلٸپ, تولىق كٶلەمدە قايتارىلادى. قالىپ قويعان جولاۋشىلاردى ەلگە قايتارۋ ٷشٸن بەيجٸڭ جەنە ٷرٸمجٸ قالالارىنان قوسىمشا رەيستەر ۇيىمداستىرىلادى.
ەسكە سالا كەتسەك, بۇعان دەيٸن سامات عىلىموۆ قازاقستاننان قىتايعا باراتىن بارلىق اۆتوبۋس پەن پويىز ۋاقىتشا توقتاتىلعانىن, ازاماتتىق اۆياتسييا كوميتەتٸنٸڭ تٶراعاسى تالعات لاستاەۆ 3 اقپاننان باستاپ قىتاي حالىق رەسپۋبليكاسىمەن تۇراقتى ەۋە قاتىناسى ۋاقىتشا توقتايتىنىن حابارلاعان ەدٸ.
