بورتىندا ٷش عارىشكەر بار «شەنچجوۋ-12» پيلوتتىق عارىش كەمەسٸنٸڭ كاپسۋلاسى قىتايدىڭ سولتٷستٸگٸندەگٸ ٸشكٸ موڭعولييا اۆتونومييالىق اۋدانىنا قوندى. بۇل تۋرالى جۇما كٷنٸ سينحۋا اگەنتتٸگٸ جازدى, دەپ حابارلايدى قازاقپارات.
حابارلاماعا سەيكەس, العاشقى عارىش ستانساسىن سالۋعا وربيتاعا جٸبەرٸلگەن ٷش قىتايلىق عارىشكەر ٷش ايلىق قىزمەتٸن سەتتٸ اياقتاپ, وسى جۇمادا جەرگە ورالدى.
ەسكە سالايىق, «شەنچجوۋ-12» جەردەن 17 ماۋسىمدا ۇشىپ كەتتٸ. جەرگٸلٸكتٸ باق-تىڭ جازۋىنشا, «شەنچجوۋ-12» پيلوتتىق عارىش كەمەسٸنٸڭ ميسسيياسى سەتتٸ اياقتالدى. «شەنچجوۋ-12» پيلوتتىق كەمەسٸ وسى بەيسەنبٸدە جەرگە قايتۋ ٷشٸن قىتاي وربيتا ستانساسىنان بٶلٸندٸ. قازٸرگٸ ەكيپاجدىڭ مٸندەتٸنە مودۋلگە جٷك كەمەسٸمەن جەتكٸزٸلەتٸن قۇرىلعىلاردى جيناۋ جەنە قوسۋ كٸردٸ.
ستانسانىڭ قۇرىلىسى وسى جىلدىڭ سەۋٸرٸندە باستالىپ, 2022 جىلى اياقتالۋى تيٸس. ستانسا 340-450 شاقىرىم بيٸكتە جەرگە جاقىن وربيتادا جۇمىس ٸستەيدٸ. ونىڭ قىزمەتٸ 10 جىلعا جوسپارلانعان, بٸراق قىتايلىق ساراپشىلار وعان ۋاقىتىلى جٶندەۋ جۇمىستارىن جٷرگٸزٸپ تۇرسا, 15 جىلعا دەيٸن قىزمەت ەتەدٸ دەپ ٷمٸتتەنٸپ وتىر.
قىتاي ماماندارىنىڭ ايتۋىنشا, ستانسانىڭ بارلىق تٷيٸنٸن مونتاجداۋعا 11 ۇشىرىلىم قاجەت. قۇرىلعىنىڭ جەرگە قونىپ جاتقان ۆيدەوسىن مىنا سٸلتەمەدەن قاراۋعا بولادى.
