Bortynda úsh ǵaryshker bar «Shenchjoý-12» pilottyq ǵarysh kemesiniń kapsýlasy Qytaidyń soltústigindegi Ishki Mońǵoliia avtonomiialyq aýdanyna qondy. Bul týraly juma kúni Sinhýa agenttigi jazdy, dep habarlaidy QazAqparat.
Habarlamaǵa sáikes, alǵashqy ǵarysh stansasyn salýǵa orbitaǵa jiberilgen úsh qytailyq ǵaryshker úsh ailyq qyzmetin sátti aiaqtap, osy jumada Jerge oraldy.
Eske salaiyq, «Shenchjoý-12» Jerden 17 maýsymda ushyp ketti. Jergilikti BAQ-tyń jazýynsha, «Shenchjoý-12» pilottyq ǵarysh kemesiniń missiiasy sátti aiaqtaldy. «Shenchjoý-12» pilottyq kemesi osy beisenbide Jerge qaitý úshin Qytai orbita stansasynan bólindi. Qazirgi ekipajdyń mindetine modýlge júk kemesimen jetkiziletin qurylǵylardy jinaý jáne qosý kirdi.
Stansanyń qurylysy osy jyldyń sáýirinde bastalyp, 2022 jyly aiaqtalýy tiis. Stansa 340-450 shaqyrym biikte jerge jaqyn orbitada jumys isteidi. Onyń qyzmeti 10 jylǵa josparlanǵan, biraq qytailyq sarapshylar oǵan ýaqytyly jóndeý jumystaryn júrgizip tursa, 15 jylǵa deiin qyzmet etedi dep úmittenip otyr.
Qytai mamandarynyń aitýynsha, stansanyń barlyq túiinin montajdaýǵa 11 ushyrylym qajet. Qurylǵynyń Jerge qonyp jatqan videosyn myna siltemeden qaraýǵa bolady.
