20 اقپاندا كەشكە ۋكراينانىڭ پولتاۆا وبلىسىندا كوروناۆيرۋسقا بايلانىستى قىتايدىڭ ۋحان قالاسىنان ەۆاكۋاتسييالانعان ازاماتتار نوۆىە سانجارى قالاسىنداعى شيپاجايعا اۆتوبۋسپەن جەتكٸزٸلدٸ. پوليتسييا جولدى جاپپاق بولعان تۇرعىنداردى ۇستاپ, كەدەرگٸلەردٸ الىپ, جولدى اشتى.
كٷندٸز مۇندا جەرگٸلٸكتٸ تۇرعىندار ۋحاننان ەۆاكۋاتسييالانعان ازاماتتاردى وسىندا ورنالاستىرۋعا قارسى بولىپ, نارازىلىق تانىتقان. تۇرعىندار نارازىلىقتى باسۋعا تىرىسقان پوليتسييامەن قاقتىعىسىپ قالدى. بٸرنەشە ادام ۇستالدى.
نوۆىە سانجارىداعى نارازىلىق اكتسيياسى بەيسەنبٸ كٷنٸ تاڭەرتەڭ باستالعان. ۆيرۋس وشاعى ۋحان قالاسىنان ەۆاكۋاتسييالاناتىن ازاماتتاردى وسىندا كارانتينگە جاتقىزاتىنىن ەستٸگەن تۇرعىندار كوروناۆيرۋستىڭ تارالۋىنان قورقىپ, ولاردى قالاعا ەكەلۋگە قارسى بولعان. ولار جولدى كٶلٸك ٶتپەيتٸندەي جاۋىپ, جٷك كٶلٸگٸن دە قويىپ قويعان. كەيٸننەن پوليتسييا جولدى ارشىپ, تۇرعىنداردى كٷشپەن تاراتتى.
قىتايدان 73 ادام: 45 ۋكراينالىق, ٶزگە ەلدٸڭ 27 ازاماتى ەۆاكۋاتسييالانعان. ولاردىڭ ەشقايسىسىنان ينفەكتسييا بەلگٸلەرٸ تابىلماعان. ولار ەكٸ اپتا بويى نوۆىە سانجارىداعى شيپاجايدا كارانتيندە بولادى. شيپاجايدى قۇقىق قورعاۋ ورگاندارى كٷزەتەدٸ.
20 اقپاندا وسىعان ۇقساس اكتسييالار ۋكراينانىڭ ٶزگە ايماعىندا دا بولدى. لۆوۆ وبلىسىندا تۇرعىندار قىتايدان ەۆاكۋاتسييالانعان ازاماتتار جاتقىزىلۋى مٷمكٸن دەلٸنگەن ەسكەري اۋرۋحاناعا اپاراتىن جولدى كٶلٸك دوڭعالاعىنىڭ تىستارىمەن جاپقان.
بيلٸك ٶكٸلدەرٸ مەن قوعام قايراتكەرلەرٸ نارازىلىق اكتسيياسىن تەرٸس باعالادى. شٸركەۋ قاۋىمداستىعى ٶكٸلدەرٸ تۇرعىنداردى قايىرىمدى بولۋعا شاقىردى. ۋكراينا پرەزيدەنتٸ ۆلاديمير زەلەنسكيي Facebook-تاعى پاراقشاسىندا "بۇل جاقسى مٸنەز ەمەس" دەپ نارازىلاردىڭ ەرەكەتٸن ايىپتادى. ۋكراينا ٷكٸمەتٸنٸڭ جەتەكشٸسٸ الەكسەي گونچارۋك بەيسەنبٸ كٷنٸ كەشكە نوۆىە سانجارىعا ۇشىپ كەلدٸ.
- ۋكراينادا كوروناۆيرۋستى جۇقتىرۋ وقيعاسى تٸركەلمەگەن;
- سوڭعى دەرەك بويىنشا, قىتايدا كوروناۆيرۋس جۇقتىرعاندار 74 مىڭنان, قازا بولعاندار 2000-نان اسقان. قىتاي بيلٸگٸنٸڭ دەرەگٸنشە 12 مىڭ ادام كوروناۆيرۋستەن ايىققان.
