فوتو: اشىق دەرەككٶز
قازاقستان قىتايلىق ساياحاتشىلار ٷشٸن تارتىمدى تۋريستٸك باعىت رەتٸندە ٶز پوزيتسيياسىن نىعايتۋدا. ٸرٸ قارجىلىق «SINA Finance» باسىلىمىنىڭ دەرەكتەرٸ بويىنشا جىل باسىنان بەرٸ قىتايدان قازاقستانعا ەۋە بيلەتتەرٸن برونداۋ 86% ارتقان, دەپ حابارلايدى Ult.kz.
2023 جىلمەن سالىستىرعاندا قىتايلىق تۋريستەردٸڭ قازاقستاندا جۇمساعان قارجىلارى 87% ارتا تٷستٸ. قر ۇلتتىق بانكٸنٸڭ مەلٸمەتٸنشە, 2024 جىلى قحر كەلگەن قوناقتار 307 ميلليون اقش دوللارىنا تاۋارلار مەن قىزمەتتەر ساتىپ العان.
تۋريستٸك بەلسەندٸلٸكتٸڭ ارتۋىنا ۆيزاسىز رەجيم, ەلدەر اراسىنداعى كٶلٸك قاتىناسىنىڭ دامۋى جەنە قازاقستاننىڭ تۋريستٸك ەلەۋەتٸن قىتاي نارىعىندا جٷيەلٸ تٷردە ٸلگەرٸلەتۋ جۇمىستارى ٶز ىقپالىن تيگٸزدٸ.
«بٸز قىتاي نارىعىندا ەلٸمٸزدٸڭ تۋريستٸك مٷمكٸندٸكتەرٸن بەلسەندٸ تٷردە ٸلگەرٸلەتٸپ, جەتەكشٸ تۋريستٸك كومپانييالارمەن ىنتىماقتاستىقتى نىعايتۋدامىز. بيىل قحر جەتەكشٸ ونلاين-تۋروپەراتورلاردىڭ بٸرٸ Tongcheng Travel كومپانيياسىنان «2025 جىلدىڭ ەڭ پەرسپەكتيۆالىق جاڭا باعىتى» ماراپاتىن يەلەندٸك. ٶتكەن جىلى وسى پلاتفورمادا قازاقستانعا ساپارلارعا دەگەن سۇرانىستىڭ 300%-عا ارتقانى تٸركەلدٸ», – دەدٸ «Kazakh Tourism» ۇك» اق باسقارما تٶراعاسىنىڭ مٸندەتٸن اتقارۋشى دانيەل سەرجانۇلى.
SINA Finance «ورتالىق ازييا – قىتاي» سامميتٸندە بەلگٸلەنگەن باعىتتار قىتاي مەن ورتالىق ازييا ەلدەرٸ اراسىنداعى قىسقا قاشىقتىقتاعى ترانسشەكارالىق جەنە شەكارا ماڭىنداعى تۋريزمنٸڭ ۇزاق مەرزٸمدٸ دامۋىنا وڭ ەسەر ەتەتٸنٸن اتاپ ٶتتٸ.
