قىتايداعى ستۋدەنتتەردٸ الىپ كەلۋگە ۇشاق دايىن. بۇل تۋرالى قر پرەمەر-مينيسترٸنٸڭ ورىنباسارى بەردٸبەك ساپارباەۆ مەلٸم ەتتٸ, – دەپ حابارلايدى قازاقپارات.
«قازٸرگٸ تاڭدا قانداي شارالار قولدانىلعانى جٶنٸندە ايتتىم. كەشە بٸز بۇقارالىق اقپارات قۇرالدارىنا قولعا الىنعان شارالار تۋرالى حابارلادىق. قازٸر بٸز قىتاي حالىق رەسپۋبليكاسىنىڭ سىرتقى ٸستەر مينيسترلٸگٸمەن جۇمىس ٸستەپ جاتىرمىز. سونداعى بٸرٸنشٸ كەزەكتە بٸزدٸڭ ستۋدەنتتەردٸ الىپ كەلۋ جٶنٸندەگٸ شارالار پىسىقتالدى. ەكٸنشٸدەن, سونداعى تۋريستەردٸ جەتكٸزۋ. تۋريستەر 680 بولعان, ولاردىڭ جارتىسى ەلگە ورالدى. بٸزدٸڭ ەسەبٸمٸز بويىنشا بٷگٸن نەمەسە ەرتەڭ تولىعىمەن ەلگە كەلۋٸ كەرەك», - دەدٸ ب. ساپارباەۆ پارلامەنت مەجٸلٸسٸندە تٸلشٸلەر ساۋالىنا جاۋاپ بەرە وتىرىپ.
سونىمەن قاتار ول قىتايداعى ستۋدەنتتەر مەسەلەسٸنە دە توقتالدى.
«ەلگە كەلەمٸز دەگەن ستۋدەنتتەرگە ۇشاق دايىنداپ قويدىق. ٶزدەرٸڭٸز بٸلەسٸزدەر, ەكٸ ەلدٸڭ اراسىندا تيٸستٸ كەلٸسٸمشارتتار بار. سوعان سەيكەس جۇمىس ٸستەۋٸمٸز كەرەك», - دەدٸ ٷكٸمەت باسشىسىنىڭ ورىنباسارى.
سونىمەن قاتار, ب. ساپارباەۆ ٷكٸمەت باسشىسى قوسىمشا قۇرالدار, ماسكالار, تاعى دا كەرەك اتتار الۋ ٷشٸن قاۋلىعا قول قويعانىن اتاپ ٶتتٸ.
«وعان قوسىمشا 1,5 ملرد تەڭگە بٶلٸنگەن. ونىڭ ٷستٸنە, ٶزٸمٸزدٸڭ قورىمىز دا بار, جەرگٸلٸكتٸ جەرلەردە بەرٸلەتٸن كٶمەك بار. ياعني, كٶمەكتٸ نەمەسە مەديتسينالىق قولداۋدى قاجەت ەتەتٸن ازاماتتار بولسا, وعان بٸزدٸڭ قارجىمىز دا, مٷمكٸندٸكٸمٸز دە بار», - دەدٸ پرەمەر-مينيستردٸڭ ورىنباسارى.
بۇدان بۇرىن حابارلانعانداي, قر بٸلٸم جەنە عىلىم ۆيتسە-مينيسترٸ ميراس دەۋلەنوۆ قىتايداعى جوعارى وقۋ ورىندارىندا وقىپ جٷرگەن قازاقستاننىڭ ستۋدەنتتەرٸنە دەمالىس مەرزٸمٸن ۇزارتۋ شارالارى پىسىقتالىپ جاتقانىن ايتتى. قىتايدىڭ ۋحان قالاسىندا 400 ستۋدەنت وقىپ جٷر. سونىڭ ٸشٸندە 98-ٸ سول قالادا, ياعني ولار وقۋ ورنىنىڭ كامپۋسىندا.
