الماتىعا ميلليون دوللاردىڭ مەديتسينالىق زاتتارى تيەلگەن ارنايى بورت قوندى. Covid-19-بەن كٷرەسٸپ جاتقاندارعا ارنالعان بۇيىمدار قالاداعى ەمحانا مەن اۋرۋحانالارعا تاراتىلادى, دەپ حابارلايدى "ۇلت اقپارات".
قىتايدان ون ەكٸ توننا جوعارى سىنىپتى قورعانىس ماسكالارى, رەسپيراتورلار, كٶزٸلدٸرٸكتەر, قايتا پايدالانۋعا بولاتىن Dupont قورعانىس كوستيۋمدەرٸ, ينفراقىزىل تەرمومەترلەر ساتىپ الىندى. بۇل بۇيىمدار كوروناۆيرۋسپەن كٷرەسٸپ جاتقان قالاداعى مەديتسينا, پوليتسييا, ەسكەري قىزمەتكەرلەر مەن شۇعىل قىزمەتتەردٸڭ قاجەتتٸلٸكتەرٸ ٷشٸن جەتكٸزٸلدٸ.
«جەكە قورعانىس قۇرالدارى تاپشى بولدى. پاندەمييا كەزٸندە دەل وسى تاۋارلارعا سۇرانىس جوعارىلاعان. سوندىقتان, شانحايدان الماتىعا تاۋارلاردى جەتكٸزۋدٸ ۇيىمداستىرۋ وڭاي بولعان جوق. بٸز قر سىرتقى ٸستەر مينيسترلٸگٸنە, قىتاي ەلشٸلٸگٸنە جەنە قحر-داعى قازاقستان ەلشٸلٸگٸنە العىسىمىزدى بٸلدٸرەمٸز», - دەپ اتاپ ٶتتٸ ۇيىمداستىرۋشىلار.
جەكە قورعانىس قۇرالدارىن ساتىپ الۋ مەن جەتكٸزۋدٸ قازاقستاندىق كەسٸپكەرلەر جٷزەگە اسىردى. اتاپ ايتار بولساق, ەۆگەنيي فەلد, اسقار الشىنباەۆ, ەسەنعالي بايمەنوۆ, نۇرجان بەكشەنوۆ, رايىمبەك باتالوۆ.
الماتىعا 320 مىڭ ماسكا, 6,4 مىڭ رەسپيراتور, 7 مىڭ كٶزٸلدٸرٸك, 12,2 مىڭ Dupont قورعانىس كوستيۋمدەرٸ, 440 مىڭ قولعاپ, 3,16 مىڭ ينفراقىزىل تەرمومەتر ەكەلٸندٸ. بۇل تاۋارلار - ەۋروپالىق ساپا سەرتيفيكاتتارىنا يە.
