Almatyǵa million dollardyń meditsinalyq zattary tielgen arnaiy bort qondy. Covid-19-ben kúresip jatqandarǵa arnalǵan buiymdar qaladaǵy emhana men aýrýhanalarǵa taratylady, dep habarlaidy "Ult aqparat".
Qytaidan on eki tonna joǵary synypty qorǵanys maskalary, respiratorlar, kózildirikter, qaita paidalanýǵa bolatyn Dupont qorǵanys kostiýmderi, infraqyzyl termometrler satyp alyndy. Bul buiymdar koronavirýspen kúresip jatqan qaladaǵy meditsina, politsiia, áskeri qyzmetkerler men shuǵyl qyzmetterdiń qajettilikteri úshin jetkizildi.
«Jeke qorǵanys quraldary tapshy boldy. Pandemiia kezinde dál osy taýarlarǵa suranys joǵarylaǵan. Sondyqtan, Shanhaidan Almatyǵa taýarlardy jetkizýdi uiymdastyrý ońai bolǵan joq. Biz QR Syrtqy ister ministrligine, Qytai Elshiligine jáne QHR-daǵy Qazaqstan Elshiligine alǵysymyzdy bildiremiz», - dep atap ótti uiymdastyrýshylar.
Jeke qorǵanys quraldaryn satyp alý men jetkizýdi qazaqstandyq kásipkerler júzege asyrdy. Atap aitar bolsaq, Evgenii Feld, Asqar Alshynbaev, Esenǵali Baimenov, Nurjan Bekshenov, Raiymbek Batalov.
Almatyǵa 320 myń maska, 6,4 myń respirator, 7 myń kózildirik, 12,2 myń Dupont qorǵanys kostiýmderi, 440 myń qolǵap, 3,16 myń infraqyzyl termometr ákelindi. Bul taýarlar - eýropalyq sapa sertifikattaryna ie.
