قىتايدىڭ ۋحان قالاسىندا كوروناۆيرۋستىڭ ٶرشۋٸنە بايلانىستى كەيٸنگە شەگەرٸلگەن بوكستان ازييا ايماقتىق ٸرٸكتەۋ تۋرنيرٸنٸڭ مەرزٸمٸ دە, ٶتەتٸن ورنى دا ٶزگەرەتٸنٸ مەلٸمدەلدٸ, - دەپ حابارلايدى. Olympic.kz.
«حالىقارالىق وليمپيادا كوميتەتٸنٸڭ بوكس بويىنشا جۇمىس توبى مەن قىتايدىڭ وليمپيادالىق كوميتەتٸ ۋحانداعى كوروناۆيرۋس ينفەكتسيياسىنىڭ تارالۋىن جٸتٸ قاداعالاۋدا. سپورتشىلار مەن رەسمي تۇلعالاردىڭ قاۋٸپسٸزدٸگٸن قامتاماسىز ەتۋ ماقساتىندا 3-14 اقپان ارالىعىنا جوسپارلانعان 2020 جىلعى توكيو وليمپياداسىنا ازييا/تىنىق مۇحيتى ەلدەرٸنٸڭ بوكسشىلارىن ٸرٸكتەۋدٸ كەيٸنگە قالدىرۋ شەشٸمٸ قابىلدانعان بولاتىن. ٸرٸكتەۋ تۋرنيرٸ ٶتكٸزٸلەتٸن جاڭا مەرزٸم – 3-11 ناۋرىز. قازٸرگٸ كەزدە جارىستى ٶتكٸزەتٸن ورىن قاراستىرىلۋدا. بٸر انىعى, تۋرنير قىتايدا ۇيىمداستىرىلمايدى. جۇمىس توبى تۋرنيردٸ قابىلدايتىن مەملەكەت پەن قالانى انىقتاعان كەزدە بارلىق ۇلتتىق وليمپيادالىق كوميتەتتەر, ۇلتتىق فەدەراتسييالار مەن رەسمي تۇلعالار حاباردار ەتٸلەدٸ», - دەلٸنگەن حوك-تىڭ رەسمي حاتىندا.
وسىلايشا, بوكستان توكيو وليمپياداسىنا العاشقى ٸرٸكتەۋ تۋرنيرٸ 20-29 اقپان ارالىعىندا افريكانىڭ باتىسىنداعى سەنەگال ەلٸندە ٶتەدٸ. سەبەبٸ ۋحاننان كەيٸنگٸ كۆاليفيكاتسييالىق جارىس دەل وسى ەلدە ٶتەتٸنٸ جوسپارلانعان بولاتىن.
