قىتاي كوروناۆيرۋس ينفەكتسيياسىن جۇقتىرعاندار سانى كٷرت ازايعانىن مەلٸمدەدٸ. ەپيدەمييانىڭ بەتٸ قايتتى دەپ ايتۋعا مٷمكٸندٸك تۋعانمەن, كٶز جۇمعاندار سانى ازايماي وتىر.
قىتايدىڭ دەنساۋلىق ساقتاۋ جٶنٸندەگٸ ۇلتتىق كوميسسيياسى 20 اقپاندا ۆيرۋس وشاعى سانالاتىن حۋبەي پروۆينتسيياسىندا 628 ادامنان ۆيرۋس تابىلعانىن, قىتايدىڭ ٶزگە اۋداندارىندا 45 وقيعا تٸركەلگەنٸن حابارلادى. ۆيرۋستى جۇقتىرۋ قارقىنىنىڭ بەسەڭدەگەنٸنە ٷش كٷن بولدى. جالپى ەلدە جەلتوقسان ايىنان بەرٸ 74 مىڭنان استام ادامنان ۆيرۋس تابىلعان.
قىتاي بيلٸگٸنٸڭ ايتۋىنشا, سوڭعى تەۋلٸكتە 114 ادام كٶز جۇمعان. ەلدە ۆيرۋستان قايتىس بولعاندار سانى 2118-گە جەتتٸ.
يران ۆيرۋس جۇققان ەكٸ ادامنىڭ كٶز جۇمعانىن حابارلادى. بۇل - تاياۋ شىعىس ايماعىندا تٸركەلگەن العاشقى ٶلٸم.
جاپونييادا ۆيرۋس تابىلعان Diamond Princess كەمەسٸندەگٸ بٸر ەيەل مەن ەر ادام قايتىس بولدى.
دٷنيەجٷزٸلٸك دەنساۋلىق ساقتاۋ ۇيىمىنىڭ تٶتەنشە جاعدايدا تەۋەكەلدٸ باسقارۋ دەپارتامەنتٸنٸڭ ديرەكتورى ريچارد برەننوننىڭ ايتۋىنشا, قىتاي ۆيرۋسپەن كٷرەس بويىنشا "قىسقا ۋاقىت ارالىعىندا زور نەتيجەگە قول جەتكٸزدٸ", الايدا داعدارىس بٸتتٸ دەپ ايتۋعا ەلٸ ەرتە.
قىتاي بيلٸگٸ بۇعان دەيٸن 60 ملن-نان استام حالىق تۇراتىن بٸرنەشە ٸرٸ قالاسىن جاۋىپ, قالالارعا قاتىنايتىن كٶلٸك قوزعالىسىن توقتاتقان. كەيبٸر مەملەكەتتەر قىتايدان كەلەتٸن ازاماتتاردىڭ ەلگە كٸرۋٸنە تىيىم سالدى. پەكين بۇل شارالاردى سىنادى.
