قىتايدىڭ شىعىسىنداعى پورتتى قالا - تسينداو قالاسىنىڭ بيلٸگٸ وسى اپتا اياعىنا دەيٸن 9 ملن تۇرعىنىنىڭ بەرٸن كوروناۆيرۋس تەستٸنەن ٶتكٸزەتٸنٸن مەلٸمدەدٸ. بيلٸك سوڭعى ەكٸ ايعا جۋىق ۋاقىت ٸشٸندە العاش رەت كوروناۆيرۋس ينفەكتسيياسى انىقتالعانىن ايتىپ وتىر. الايدا ساراپشىلار اۋرۋ بەلگٸسٸ بايقالماعان ناۋقاستاردى Covid ستاتيستيكاسىنا قوسپايتىن قىتايدىڭ رەسمي ورىندارى بەرگەن مەلٸمەتكە كٷمەنمەن قارايدى.
12 قازاندا قىتاي بيلٸگٸ تسينداو قالاسىندا 12 ادامنان كوروناۆيرۋس ينفەكتسيياسى انىقتالعانىن حابارلادى. رەسمي مەلٸمەت بويىنشا, قالاعا ۆيرۋس سىرتتان كەلگەن. تسينداو ەكٸمشٸلٸگٸ پۋلمونولوگييالىق كلينيكا مەن ورتالىق اۋرۋحانانىڭ جەدەل جەردەم بٶلٸمٸن جاپقانىن حابارلادى. كوروناۆيرۋس جۇقتىرعاندار ەمدەلەتٸن اۋرۋحانا عيماراتى دا قاۋٸپسٸزدٸك ماقساتىندا جابىلعان.
بىلتىر جىل سوڭىندا العاش رەت كوروناۆيرۋس تابىلىپ, ۆيرۋس وشاعىنا اينالعان ۋحان قالاسىنىڭ بيلٸگٸ وسىعان دەيٸن قالا تۇرعىندارىن تۇتاس كوروناۆيرۋس تەستٸنەن ٶتكٸزگەنٸن حابارلاعان بولاتىن. پەكين مەن ٷرٸمجٸدە دە ميلليونداعان ادام تەستەن ٶتكەن.
جاپپاي تەستٸلەۋ شاراسى قىتايدا ۆيرۋستىڭ تاراۋىن بەسەڭدەتۋگە كٶمەكتەسٸپ, كٶپ جاعدايدا قالىپتى ٶمٸرگە ورالۋعا سەپتەسكەن. قازان ايىنىڭ باسىندا ونداعان ميلليون ادام "التىن اپتا" ۇلتتىق مەرەكەسٸن تويلاپ, ەل اۋماعىندا ەركٸن قوزعالعان.
