قىتايدا ەڭبەك كٷنٸنە وراي بەسكٷندٸك مامىر مەرەكەسٸنٸڭ العاشقى تٶرت كٷنٸندە ٸشكٸ تۋريستٸك ساپارلار سانى 104 ميلليون بولدى, دەپ حابارلايدى قازاقپارات.
قحر مەدەنيەت جەنە تۋريزم مينيسترلٸگٸنٸڭ حابارلاۋىنشا, وسى ۋاقىت ارالىعىندا ٸشكٸ تۋريزمنەن تٷسەتٸن كٸرٸس 43,23 ملرد يۋانعا (شامامەن 6,13 ملرد اقش دوللارى) جەتتٸ.
شەكتەۋلەر ەنگٸزٸلۋٸنە بايلانىستى قىتايدىڭ تانىمال كٶرٸكتٸ جەرلەرٸنە كەلۋشٸلەردٸڭ جالپى سانى ٶتكەن جىلعى كٶرسەتكٸشتەردەن از.
ايتا كەتسەك, 2019 جىلى مامىرداعى مەرەكەنٸڭ تٶرت كٷنٸندە قىتاي تۇرعىندارىنىڭ جاساعان ٸشكٸ تۋريستٸك ساپارلارىنىڭ سانى 195 ملن بولاتىن. ٶتكەن جىلدىڭ مامىر ايىنىڭ دەمالىس كٷندەرٸندەگٸ تۋريزمنەن تٷسكەن تابىس 17,48 ملرد.
قىتايدا مامىر مەرەكەسٸ كٷندەرٸ ەڭ جوعارى ساناتتاعى 5ا دەڭگەيدەگٸ 8,5 مىڭ تۋريستٸك نىسان اشىلدى, بۇل ولاردىڭ جالپى سانىنىڭ 70%-ىن قۇرايدى.
«مامىر مەرەكەسٸنٸڭ العاشقى كٷنٸندە كەيبٸر تۋريستٸك نىساندار لىق تولدى, كەلۋشٸلەر تٸپتٸ, ماسكا داكيگەن جوق», - دەدٸ قحر دەنساۋلىق ساقتاۋ ٸستەرٸ جٶنٸندەگٸ مەملەكەتتٸك كوميسسييانىڭ رەسمي ٶكٸلٸ مي فەن.
وسىعان بايلانىستى قىتاي شەنەۋنٸگٸ حالىق كٶپ جينالاتىن جەرلەردە ماسكا كييۋ جەنە گيگيەنا ەرەجەلەرٸن ساقتاۋ قاجەتتٸلٸگٸن تاعى دا ەسكە سالدى .
ەسكە سالا كەتەيٸك, كەشە قحر-داعى ٸرٸ ونلاين-تۋريستٸك قىزمەت وپەراتورى Trip.com بيىلعى جىلدىڭ 1-5 مامىر ارالىعىندا 80 ميلليونعا جۋىق ادام ەلگە ساياحات جاساۋعا جينالعانىن حابارلاعان بولاتىن. قىتايدا ەڭ تانىمال, ادامدار كٶپ بارعان باعىتتار – بەيجٸڭ مەن شانحاي.
