قىتايدا جۇمباق جاعدايدا قازا تاپقان ستۋدەنت قىزدىڭ تۋىستارى ەدٸلەتتٸلٸككە قول جەتكٸزە الماي جٷر.
ولاردىڭ ايتۋىنشا, سانديرا سەرٸكحاندى بٸرەۋلەر ەدەيٸ 17-قاباتتان قۇلاتىپ جٸبەرگەن كٶرٸنەدٸ. چانچجوۋداعى ەڭ مىقتى ۋنيۆەرسيتەتتٸڭ بٸرٸنە گرانتقا تٷسكەن قانداسىمىزدىڭ ٶمٸرٸنٸڭ سوڭعى سەتتەرٸ تاسپاعا تٷسٸپ قالىپتى. بٸراق ٸس سۋيتسيد دەپ جابىلىپ تىندى, دەپ حابارلادى Sputnik كتك ارناسى سٸلتەمە جاساپ.
سانديرا سەرٸكحان نۇر-سۇلتانداعى ەڭ ماقتاۋلى گيمنازييانىڭ تٷلەگٸ. نەبەرٸ 16 جاسىندا قىتاي تٸلٸن مەڭگەرگەن قىز بٸردەن گرانتقا وقۋعا تٷسكەن. الايدا, قىتايعا ارمان ارقالاپ كەتكەن قاراكٶزٸمٸزدٸڭ ەلگە تابىتى كەلدٸ. سونداعى پوليتسييانىڭ رەسمي مەلٸمەتٸ بويىنشا, ساباعىن 5-كە وقىپ جٷرگەن قىز ٶز ەركٸمەن 17-شٸ قاباتتان سەكٸرٸپ كەتكەن.
"سانديرا سۋيتسيد جاسادى دەگەنگە سەنبەيمٸز. ول جازعى دەمالىسقا ٷيگە جينالىپ جاتقان. سول كٷننٸڭ الدىندا عانا ۆيدەومەن سٶيلەستٸك. باۋىرلارىنا ساتىپ العان سىيلىقتارىن كٶرسەتٸپ, اناسىمەن مەز-مەيرام بولعان. قىزىمىزدى ەدەيٸ ٶلتٸرٸپ وتىر", - دەيدٸ مارقۇم قىزدىڭ ناعاشى ەپكەسٸ ەلنۇر اعاەۆا.
قىزدىڭ ينستاگرامىنان بەلگٸلٸ بولعانىنداي, سول كٷنٸ سانديرانى بايان دەگەن باسقا بٸر ستۋدەنت كلۋبقا بارايىق دەپ قويماي, اقىرى كٶندٸرٸپتٸ. وندا مادييار جەنە دانييار دەگەن دوستارىمەن تانىستىرعان. كەش سوڭىندا دانييار پەتەردەن بٸر زات الۋ كەرەك دەگەن سىلتاۋمەن بٸرگە بارۋىن ٶتٸنٸپ قويماعان ەكەن. قىز كەلٸسكەنٸمەن, تابالدىرىقتان ەرٸ اتتاعىسى كەلمەي تۇرعانى پودەزدەگٸ تاسپاعا تٷسٸپ قالعان. ۆيدەودا جٸگٸت قىزدى جەتەكتەپ كٸرگٸزگەن دەيدٸ ەلنۇر اعاەۆا. بٸرازدان سوڭ سانديرا پەتەردەن جىلاپ شىعادى. ەرٸ قارايعى جاعداي تاسپادان تىس جەردە جالعاسقان.
جٸگٸتتٸڭ ايتۋىنشا, قىزدىڭ 17-شٸ قاباتتان قالاي قۇلاپ كەتكەنٸ ەسٸندە جوق. نە ٷشٸن جىلاپ جٷرگەنٸن دە تٷسٸندٸرٸپ بەرە الماپتى.
"دانييار يمانقۇلوۆ دەگەن جٸگٸت شىمكەنتتەن. قىز نەگە جىلادى دەگەن سۇراققا جاۋاپ بەرە المادى. ايتۋىنشا, ٶزٸ دە شوكتا بولعان", - دەپ تولىقتىردى سانديرانىڭ ناعاشى ەپكەسٸ.
بٸلمەيمٸن دەپ باسىن الا قاشقان جٸگٸت سول كٷيٸ قاراسىن باتىرىپتى. ٷشەۋٸ دە وقۋ ورنىنا ٸزدەپ بارعان قىزدىڭ ەكەسٸمەن جولىعۋدان باس تارتىپ, تەلەفوندارىن سٶندٸرٸپ تاستاعان. تۋىستارى زورلىق-زومبىلىق جاسالدى ما دەپ كٷدٸكتەنەدٸ. ودان قالدى, قىزدىڭ بٸر اياق كيٸمٸ تەرەزەنٸڭ تۇسىندا قالىپ قويعان. جاقتاۋدان ساۋساق ٸزدەرٸ تابىلماعان. سول سەبەپتٸ دە ونى بٸرەۋدٸڭ لاقتىرىپ جٸبەرگەنٸنە سەنٸمدٸ. بٸراق مۇنى دەلەلدەۋ مٷمكٸن بولماي تۇر. سەبەبٸ, زاڭى قاتال قىتاي مەيٸتتٸ 30 كٷن تەكسەرەدٸ ەكەن. مۇنشاما ۋاقىت كٷتە الماعان وتباسى قىزدىڭ دەنەسٸن ساراپتاماسىز ەلگە ەكەلۋگە مەجبٷر بولعان. ال ٸس "سۋيتسيد" دەپ جابىلىپ تىنعان. ەلٸمٸزدٸڭ ديپلوماتتارى ٸستٸ قايتا قاراۋدى سۇراپتى. بٸراق قورىتىندىسى ٶزگەرمەگەن.
"قىتاي تاراپى بۇل ٸستٸ قايتا قاراپ شىقتى. ونىڭ نەتيجەسٸ بويىنشا جازاتايىم وقيعا بولىپ شىقتى", - دەپ تٷسٸندٸردٸ سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ.
نەبەرٸ 19 جاستاعى سانديرا سەرٸكحان ٷيٸنٸڭ ٷلكەنٸ ەكەن. وتباسىندا 4 بالا. كٸشكەنتاي باۋىرلارى ەپكەسٸ كەلەدٸ دەپ كٷندە كٷتٸپ جٷر.
