قىتايدا كوروناۆيرۋستى جۇقتىرعاندار سانى الدىڭعى كٷنمەن سالىستىرعاندا 10 ەسەگە كٶبەيٸپ, سوڭعى دەرەك بويىنشا 15 مىڭعا جۋىق ادامنان ۆيرۋس تابىلعان. بۇل اقپاراتتى قىتاي بيلٸگٸ حابارلادى. سوڭعى تەۋلٸكتە ۆيرۋستان 242 ادام كٶز جۇمعان.
دٷنيەجٷزٸلٸك دەنساۋلىق ساقتاۋ ۇيىمى سەرسەنبٸ كٷنٸ "كوروناۆيرۋستىڭ تارالۋى بەسەڭدەدٸ" دەپ مەلٸمدەگەن ەدٸ. 10-11 اقپاندا قىتاي بيلٸگٸ ەكٸ مىڭ ۆيرۋس جۇقتىرعانىن حابارلاعان.
قىتايدىڭ دەنساۋلىق ساقتاۋ جٶنٸندەگٸ ۇلتتىق كوميسسيياسى "اۋرۋدى انىقتاۋ مەتوديكاسى ٶزگەرگەندٸكتەن ۆيرۋستى جۇقتىرعاندار سانى كٷرت كٶبەيدٸ" دەدٸ. دەرٸگەرلەر "ەندٸگەرٸ كومپيۋتەرلٸك توموگرافييا دەرەكتەرٸنە سٷيەنە وتىرىپ, اۋرۋدى ەرتەرەك انىقتايمىز" دەپ وتىر.
قازٸر قىتايدىڭ ٶزٸندە ۆيرۋستى جۇقتىرعاندار سانى 60 مىڭعا جەتتٸ, ٷش مىڭنان استام ادام كٶز جۇمدى. شامامەن التى مىڭى اۋرۋدان ايىقتى.
12 اقپاندا لوندوندا بٸرٸنشٸ كوروناۆيرۋستى جۇقتىرۋ وقيعاسى تٸركەلدٸ. BBC اقپارات اگەنتتٸگٸنٸڭ جازۋىنشا, ناۋقاس بٸرنەشە كٷن بۇرىن قىتايدان كەلگەن. جالپى ۇلىبريتانييادا وسىمەن كوروناۆيرۋس جۇقتىرعان توعىزىنشى ادام تٸركەلدٸ.
ۆيرۋستىڭ تارالۋ اۋقىمى كەڭەيٸپ بارادى. ەلەمنٸڭ 50 مەملەكەتٸندە كوروناۆيرۋس تابىلعان.
دٷنيەجٷزٸلٸك دەنساۋلىق ساقتاۋ ۇيىمىنىڭ باس ديرەكتورى تەدروس گەبرەيەسۋس "ەپيدەمييانىڭ اياقتالاتىنى جايلى بولجام جاساۋ ەلٸ قيىن" دەيدٸ. ددسۇ عالىمدارى قازٸرگٸ كەزدە تٶرت تٷرلٸ ەكپەمەن جۇمىس ٸستەپ جاتقانىن حابارلادى.
كوروناۆيرۋستىڭ جاپپاي تارالۋىنا بايلانىستى بٸرقاتار حالىقارالىق شارالار كەيٸنگە قالدى. حالىقارالىق كٶلٸك فەدەراتسيياسى قىتايداعى "فورمۋلا-1" جارىسىن كەيٸنگە قالدىرۋ تۋرالى شەشٸم قابىلدادى. بارسەلوناداعى Mobile World Congress كٶرمەسٸنٸڭ ۇيىمداستىرۋشىلارى كوروناۆيرۋسقا بايلانىستى كٶرمە ٶتپەيتٸنٸن مەلٸمدەدٸ.
رەسەي قيىر شىعىستاعى قىتايمەن شەكاراسىن جاۋىپ, كٶرشٸ ەلگە قاتىنايتىن اۆتوبۋستاردى توقتاتتى. 14 اقپاننان باستاپ رەسەي مەن قىتاي اراسىنداعى چارتەرلٸك رەيستەر توقتايدى.
