قىتايدا ەنشٸ ديماش قۇدايبەرگەننٸڭ ەسٸمٸ بەرٸلگەن ۇشاق شانxاي-بەيجٸڭ باعىتىنداعى رەيستٸ ورىنداپ, تۇڭعىش رەت ەۋەگە كٶتەرٸلدٸ, دەپ حابارلايدى "ۇلت اقپارات" ديماشتىڭ پروديۋسەرٸ الپامىس شەرٸموۆكە سٸلتەمە جاساپ.
الپامىس اتالعان اقپاراتتى ينستاگرامداعى ٶز پاراقشاسىندا جارييا ەتتٸ.
«بٷگٸن ديماشتىڭ سۋرەتٸ بەينەلەنٸپ, اتى بەرٸلگەن ۇشاق رەسمي تٷردە العاشقى ساپارىن باستايدى. 13:10-دا شانxايدان بەيجٸڭگە دەيٸن بٸرٸنشٸ رەيس ۇشادى! قۇتتى بولسىن! ەندٸ سەنٸڭ ەسٸمٸڭ ەۋەدە قالىقتايتىن بولادى!!!» - دەپ جازدى الپامىس شەرٸموۆ.
ەسكە سالا كەتسەك, الپامىس بۇعان دەيٸن ينستاگرام ارقىلى قازاق بالاسىنىڭ اتىمەن ەندٸ ۇشاق شىعاتىنىن حابارلاعان بولاتىن. بۇل ۇشاق Moonlight blade ونلاين ويىنى جەلٸسٸنە ارنالعان. ديماش وسى ويىنعا «ۋاقىت - تەڭٸز» اتتى ساۋندترەك جازعان بولاتىن.
